05.08.2026 | 15:00
Կիևի մարզում ռուսական հարվածի հետևանքով ոչնչացվել է ուկրաինական Rozetka մարկետփլեյսի ամենախոշոր պահեստը
ԵԿՄ-ին 234 մլն դրամ կհատկացվի պետական բյուջեից
Տնտեսություն
04.04.2024 | 10:12
Սասուն Միքայելյանի ղեկավարած «Երկրապահ կամավորականների միություն» ՀԿ-ին պետական բյուջեից 234 մլն դրամ կհատկացվի։ Այս մասին Factor.am-ը տեղեկանում է ՀՀ պաշտպանության նախարարության ներկայացրած առաջարկից։
ՊՆ-ից հայտնում են, որ հետպատերազմյան շրջանում ավելի քան 4000 ԵԿՄ կամավորականներ ՀՀ պաշտպանության նախարարության կազմում մարտական հերթապահություն են իրականացնել տարբեր մարտական դիրքերում:
«Հաշվի առնելով, որ «Երկրապահ կամավորականների միություն» ՀԿ-ն համագործակցում է ՀՀ պաշտպանության նախարարության հետ, օժանդակում է նրա առջև դրված խնդիրների կատարմանը, ՀՀ զինված ուժերի համար դաստիարակում և պատրաստում է ապագա զինվորներ, նախագծի ընդունմամբ հնարավորություն կստեղծվի ապահովել ՀԿ-ի 2024թ-ի գործունեության իրականացումը ողջ ծավալով:
2020թ-ին պետական բյուջեի միջոցների հաշվին «Երկրապահ կամավորականների միություն» ՀԿ-ին վերը նշված նպատակների համար հատկացվել է դրամաշնորհ, իսկ 2021, 2022 և 2023 թվականներին ՀՀ կառավարության որոշումներով տարեկան հատկացվել է 234,638.0 հազար դրամ »,- ասված է Սուրեն Պապիկյանի ղեկավարած գերատեսչության ներկայացրած հիմնավորման մեջ:
Նշենք, որ ըստ ՊՆ-ի, 2020 թվականի պատերազմի ընթացքում «Երկրապահ կամավորականների միություն» ՀԿ-ն ունեցել է 74 զոհ և 114 վիրավոր:
Նարեկ Կիրակոսյան
