07.04.2026 | 13:35
Դուք համարձակություն ունե՞ք ասել՝ կան ուժեր, որոնք պատրաստվում են գողանալ առաջիկա ընտրությունները․ ՏԵՍԱՆՅՈՒԹ
Մարիուպոլում երեխաների մոտ խոլերայի դեպքեր են հայտնաբերվել
Քաղաքականություն
03.04.2024 | 22:35
Ռուսաստանի կողմից օկուպացված Մարիուպոլում երեխաների շրջանում խոլերայի համատարած դեպքեր են հայտնաբերվել։ Այս մասին հայտարարել է Մարիուպոլի քաղաքապետի խորհրդական Պյոտր Անդրյուշչենկոն, փոխանցում է Korrespondent-ը։
«Խոլերայի զանգվածային դեպքեր են հայտնաբերվել Մարիուպոլում երեխաների շրջանում։ Այդ պատճառով փորձում են արագ լռեցնել այն չհայտարարված կարանտինով, բայց դա չի ստացվի»,- նշել է նա։
Անդրյուշչենկոն ենթադրում է, որ արագ տաքացումը հանգեցրել է զանգվածային հիվանդությունների։
«Մարիուպոլի բնակիչները գտնվում են օկուպացիայի տակ: Ձեր հիմնական պաշտպանը դուք ինքներդ եք, լվացեք ձեր ձեռքերը, եռացրեք ջուրը, մի կերեք չլվացված բաներ, մի խմեք այն, ինչ չգիտեք, դեռ մի լողացեք ծովում: Ձեզանից բացի՝ ոչ ոք ձեզ չի օգնի»,- կոչ է արել նա։
Քաղաքապետի խորհրդականը հավելել է, որ քաղաքի դպրոցների ղեկավարներն ամեն ինչ անում են՝ աշակերտների շրջանում հիվանդության դեպքերի մասին լռելու համար։
Ավելի վաղ հաղորդվել էր, որ օկուպացված Մարիուպոլում բակերը լցվել են կոյուղաջրերով, քանի որ քաղաքի բոլոր ցանցերը, մասնավորապես, կոյուղագծերը, վնասվել են ռուսական գնդակոծությունից հետո։
