25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
100 օրվա ընթացքում քրեական գործ է հարուցվել 4 օրենքով գողի նկատմամբ․ Արմեն Ղուկասյան․ ՏԵՍԱՆՅՈՒԹ
Քաղաքականություն
21.08.2018 | 11:36
Օգոստոսի 20-ին լրացավ ոստիկանապետ Վալերի Օսիպյանի պաշտոնավարման 100 օրը, որի կապակցությամբ այսօր հրավիրվել էր ամփոփիչ մամուլի ասուլիս։
Ամփոփելով ոստիկանության պետի պաշտոնում Վ․ Օսիպյանի կողմից իրականացված աշխատանքները՝ ոստիկանության շտաբի պետ Արմեն Ղուկասյանը ներկայացրեց գողությունների, սպանությունների, թմրամիջոցների հայտնաբերման, կոռուպցիոն բնույթի հանցագործությունների բացահայտման ուղղությամբ տարված աշխատանքների համառոտ վիճակագրությունը՝ նշելով, որ նախորդ տարվա նույն ժամանակաշրջանի համեմատ արձանագրվել է բացահայտման դեպքերի թվի աճ։
«100 օրվա ընթացքում առանցքային է դարձել հանցավոր խմբերի և դրանց պարագլուխների դեմ պայքարը։ Այս ընթացքում քրեական գործ է հարուցվել 4 օրենքով գողի նկատմամբ»,- ասաց Արմեն Ղուկասյանն՝ ընդգծելով, որ քրեածին տարրերն արմատախիլ անելը Ոստիկանության գործունեության կարևոր թիրախներից մեկն է։
Ըստ Ղուկասյանի՝ ոստիկանության համակարգում հաշվետու ժամանակաշրջանում իրականացվել է 110 ծառայողական քննություն, կարգապահական տույժի է ենթարկվել 68 ծառայող, 6-ն ազատվել է աշխատանքից, 25-ի վերաբերյալ էլ հարուցվել են քրեական գործեր։ «Իրականացվել է նաև աուդիտ, արձանագրվել է 203 մլն դրամի ֆինանսական խախտում, որից վերականգնվել է 44 մլն դրամը»,- ասաց նա։
Արմեն Ղուկասյանը նշեց նաև, որ Վալերի Օսիպյանի պաշտոնավարման 100 օրվա ընթացքում լրջագույն քայլեր են կատարվել Ոստիկանություն-ԶԼՄ-ներ համագործակցության ուղղությամբ, պատասխաններ են տրվել տասնյակ հարցումների, միևնույն ժամանակ ակտիվացել է նաև Ոստիկանության աշխատողների ֆեյսբուքյան կապը հասարակության հետ։
Խոսելով միջազգային ասպարեզում ոստիկանության կողմից իրականացված քայլերի մասին՝ Ղուկասյանը նշեց, որ ակտիվացել են շփումները ՀՀ-ում հավատարմագրված դեսպանների և միջազգային կազմակերպությունների հետ։
