17.03.2026 | 11:34
Հայաստանի Պրեմիեր լիգա․ Առաջատարի հաղթանակը, լավագույն ռմբարկուի դուբլն ու տուրի տեսաամփոփումը
Լուկաշենկոն հայտարարել է, որ Բելառուսը պատրաստվում է պատերազմի
Քաղաքականություն
02.04.2024 | 16:03
Բելառուսի իշխանությունները սկսել են բանակը նախապատրաստել «ոչ բարեկամ» երկրների հետ հնարավոր պատերազմի, հայտարարել է Ալեքսանդր Լուկաշենկոն, գրում է The Moscow Times-ը։
«Ո՛չ մեկի չհավատաք, որ մենք ուզում ենք պատերազմել։ Մենք պատերազմի ենք պատրաստվում, ես այդ մասին անկեղծ եմ խոսում։ «Խաղաղություն ես ուզում, պատրաստվիր պատերազմի»․ սա ես չեմ հորինել։ Սա շատ ճիշտ է ասված»,-ասել է Բելառուսի նախագահը Գրոդնենսկիի մարզ այցի ժամանակ։
Մարտի վերջին Լուկաշենկոն այցելել է Լիտվայի հետ սահմանին գտնվող Բելառուսի բանակի տեղակայման վայրեր և զինվորականների հետ քննարկել Սուվալկիի միջանցքում հնարավոր ռազմական գործողությունները։
Բելառուսի նախագահը նշել է, որ երկրի զորքերը շուտով ստիպված կլինեն «դիմակայել մերձբալթյան երկրներին և գրավել Լեհաստանի մի կտորը»։ Հյուսիսարևմտյան օպերատիվ հրամանատարության հրամանատար Ալեքսանդր Նաումենկոն վստահեցրել է, որ «բոլոր գործողությունները ծրագրված են», մշակվում են մարտական պատրաստության հարցեր։
Սուվալկիի միջանցքը՝ 100 կմ-ից մի փոքր ավելի երկարությամբ, Լեհաստանը կապում է Բալթյան երկրների հետ և Բելառուսը բաժանում Կալինինգրադի մարզից։ Այն համարվում է ՌԴ նախագահ Վլադիմիր Պուտինի ամենահավանական թիրախներից մեկը ՆԱՏՕ-ի հետ պատերազմի դեպքում։ Դա գրավելու դեպքում Լիտվան, Լատվիան և Էստոնիան կկտրվեն ՆԱՏՕ-ի մյուս երկրներից։
