12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ղրղզստանում 10 օրից ուժի մեջ կմտնի «օտարերկրյա գործակալների» մասին օրենքը
Քաղաքականություն
02.04.2024 | 15:33
Ղրղզստանի նախագահ Սադիր Ջապարովը ստորագրել է «Օտարերկրյա գործակալների մասին» օրենքը։ Այս մասին նա հայտնել է իր ֆեյսբուքյան էջում, գրում է Մեդուզան։ Օրենքն ուժի մեջ կմտնի տասն օրից։
Նոր նորմը ռուսական օրենսդրության անալոգն է. այժմ Ղրղզստանի իշխանությունները կվարեն «օտարերկրյա գործակալների» հատուկ գրանցամատյան: Այնտեղ հայտնված կազմակերպությունները ստիպված կլինեն լրացուցիչ հաշվետվություններ ներկայացնել և կարող են դառնալ չնախատեսված ստուգումների օբյեկտ։ Բացի այդ, ինչպես Ռուսաստանում, Ղրղզստանում «օտարերկրյա գործակալները» ստիպված կլինեն համացանցում հրապարակվող նյութերին կցել «օտարերկրյա ֆինանսավորում» գրությունը։
Ջապարովը, միաժամանակ հայտարարել է, որ որպես պետության ղեկավար երաշխավորում է, որ «ոչ մի հետապնդում չի լինի»։
Նման օրենք ընդունվել և ուժի մեջ է մտել նաև Ղազախստանում 2023 թվականի աշնանը։ Կառավարությունն այն ժամանակ վստահեցրել էր, որ «օտարերկրյա գործակալների» ռեեստրի հրապարակումը նպատակաուղղված է լինելու հասարակական կազմակերպությունների հանդեպ «քաղաքացիների վստահության մակարդակը բարձրացնելուն» ։
