12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Բորելը ողջունել է Թուրքիայում ՏԻՄ ընտրությունները ու բարեփոխումների կոչ արել
Քաղաքականություն
02.04.2024 | 13:29
ԵՄ արտաքին հարաբերությունների ու անվտանգության հարցերով բարձր ներկայացուցիչ Ժոզեպ Բորելը ողջունել է մայիսի 31-ին Թուրքիայում տեղի ունեցած ՏԻՄ ընտրությունները։
«Մունիցիպալ ընտրությունների հանգիստ և պրոֆեսիոնալ անցկացումը պատվում է Թուրքիային և ցույց տալիս քաղաքացիների նվիրվածությունը տեղական ժողովրդավարությանը: Հիմնարար իրավունքներն ու ժողովրդավարությունը մեր հարաբերությունների հիմքում են, ակնկալում ենք միասին աշխատել բարեփոխումների ուղղությամբ, որոնք Թուրքիան ավելի կմոտեցնեն ԵՄ-ին»,- գրել է Բորելը X-ի իր էջում։
Հիշեցնենք, որ մարտի 31-ի ՏԻՄ ընտրությունների արդյունքներով Թուրքիայի նախագահ Ռեջեփ Թայիփ Էրդողանի «Արդարություն ու զարգացում» կուսակցությունը հիմադրումից ի վեր կրել է իր ամենախոշոր պարտությունը։
Քվեաթերթիկների 100 տոկոսի հաշվարկի նախնական արդյունքներով ընդդիմադիր Ժողովրդահանրապետական կուսակցությունը՝ CHP-ն, հավաքել է ձայների ավելի քան 37,76 տոկոսը, ԱԶԿ-ն՝ 35,48 տոկոսը։ Անկարայում ընդդիմադիր գործող քաղաքապետ Մանսուր Յավաշը հավաքել է ձայների 60,38 տոկոսը, ԱԶԿ-ի թեկնածու Թուրգուտ Ալթինոքը 31,69 տոկոսը, Ստամբուլում գործող քաղաքապետ Էքրեմ Իմամօղլուն 51,14 տոկոսը, Էրդողանի թեկնածու Մուրադ Քուրումը 39,59 տոկոսը, Իզմիրում ընդդիմադիր Ջեմիլ Թուգայը ստացել է ձայների 48,96 տոկոսը, իշխող ուժից Համզա Դաղը 37,06 տոկոսը։
Էմմա Չոբանյան
