07.10.2026 | 23:48
Արթուր Դանիելյանը կալանավորվեց
«Կրոկուս»-ում ահաբեկչությունից հետո ձերբակալված չեչենը մահացել է ոստիկանության բաժանմունքում
Քաղաքականություն
02.04.2024 | 15:17
Չեչնիայից Ասխաբ Ուսպանովը, որը ձերբակալվել էր «Կրոկուս Սիթի Հոլ»-ում ահաբեկչությունից հետո, մահացել է ոստիկանության բաժանմունքում, գրում է Current time-ը։
Ուսպանովի մոր խոսքով՝ ձերբակալումից հետո զանգահարել է կնոջը, նա ցանկացել է գնալ ամուսնու մոտ, սակայն վերջինս խնդրել է չանել նման բան։ Տղամարդն ասել է, որ ոստիկանությունն իր դեմ ոչինչ չունի, սակայն ավելի ուշ զանգահարել ու խնդրել է իր հետևից գալ ոստիկանության բաժին՝ նշելով, որ կոպտել է ուժայիններին։ Երբ կինը 2 ժամ անց ոստիկանություն է ժամանել, ուժայինները նրան ասել են, որ «ամուսինն այլևս չկա»։ Կինը զարմացել ու նշել, որ քիչ առաջ է հեռախոսով խոսել ամուսնու հետ։ Ըստ Ուսպանովի մոր՝ դրան ի պատասխան ոստիկանն ասել է. «Խոսել ես, հիմա էլ չես խոսի»։ Մայրը հայտարարել է, որ իր որդին չէր կարող մասնակից լինել ահաբեկչությանը։
СПАРК-ի տվյալներով՝ Ուսպանովը մահացել է մարտի 22-ին, այսինքն՝ ահաբեկչության օրը։ Ուսպանովի մոր խոսքով՝ տղամարդուն հուղարկավորել են Չեչնիայում։
1ADAT-ը հրապարակել էր Ուսպանովի դիակի տեսանյութը, որում նկարահանողն ասում է, որ ուժայինները բեմադրել են չեչենի ինքնասպանությունը՝ փորձելով «թաքցնել իրենց հանցանքը»։ Ուսպանովի մայրն իր հերթին հայտարարել է, որ իր որդին չէր կարող ինքնասպան լինել, քանի որ մահմեդական է։
