09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ուկրաինան հայտնել է ավելի քան 1000 կիլոմետր հեռահարությամբ ԱԹՍ-ների մշակման մասին
Քաղաքականություն
02.04.2024 | 12:52
Ուկրաինան անօդաչու թռչող սարքերի մոդելներ է մշակել, որոնք ունակ են թռչել ավելի քան հազար կիլոմետր, գերմանական Die Welt թերթին տված հարցազրույցում ասել է երկրի թվային փոխակերպումների նախարար Միխայիլ Ֆեդորովը։
«Օգտագործվող անօդաչուների մեծ մասն ունի 700-ից 1000 կիլոմետր հեռահարություն, սակայն այժմ կան մոդելներ, որոնք կարող են թռչել ավելի քան 1000 կիլոմետր»,- ասել է նախարարը:
Ռուսաստանում նավթավերամշակման գործարանների և այլ թիրախների վրա հարձակումների մասին հարցին ուկրաինացի պաշտոնյան պատասխանել է, որ «զինվորականներն ավելի լավ կարող են մեկնաբանել այդ գործողությունների մանրամասները»:
Ֆեդորովի խոսքով՝ անցյալ տարվա համեմատ 2024 թվականին Ուկրաինան 10 անգամ կավելացնի հեռահար անօդաչու թռչող սարքերի արտադրությունը։ Բացի այդ, ըստ նրա, մինչև տարեվերջ կարող են հայտնվել արհեստական ինտելեկտով անօդաչու թռչող սարքերի առաջին նախատիպերը։
