07.10.2026 | 23:48
Արթուր Դանիելյանը կալանավորվեց
Գազայի հատվածում հրադադարի շուրջ բանակցությունները վերսկսվել են Կահիրեում
Քաղաքականություն
01.04.2024 | 20:51
Գազայի հատվածում հրադադարի շուրջ բանակցությունները վերսկսվել են Կահիրեում երկուշաբթի օրը Իսրայելից պատվիրակության ժամանումից հետո, հաղորդում է EFE-ն։
«Իսրայելական պատվիրակությունը հանդիպել է Եգիպտոսի հետախուզության բարձրագույն ղեկավարության ներկայացուցիչների հետ, որը Կատարի հետ միասին որպես միջնորդ է հանդես եկել Իսրայելի և ՀԱՄԱՍ-ի միջև անուղղակի բանակցություններում», – հայտնել է գործակալության աղբյուրը։
EFE-ի զրուցակցի խոսքով՝ Եգիպտոսը և Կատարը պատասխանատու են լինելու ՀԱՄԱՍ-ի ներկայացուցիչներին տեղեկատվություն փոխանցելու համար, որոնք այս անգամ ներկա չեն բանակցություններին՝ «միջնորդների հետ ունեցած տարաձայնությունների պատճառով»։
Տեղեկացվում է, որ բանակցությունների այս փուլի նպատակն է պարզել, թե արդյո՞ք անհրաժեշտ է Գազայի հատվածում հրադադարի շուրջ երկխոսության մեջ ներգրավել Իսրայելի հետախուզական ծառայության՝ Մոսադի բարձրաստիճան պաշտոնյաներին։
