Քաղաքականություն
01.04.2024 | 17:17
RT հեռուստաալիքի գլխավոր խմբագիր Մարգարիտա Սիմոնյանին Ուկրաինայում նոր մեղադրանքներ են առաջադրվել, գրում է BBC-ի ռուսական ծառայությունը։
«Անվտանգության ծառայությունը փաստագրել է ռուս պրոպագանդիստ Մարգարիտա Սիմոնյանի նոր հանցագործությունները, որը կոչ է արել ուկրաինացիներին ցեղասպանության ենթարկել», – ասվում է Ուկրաինայի անվտանգության ծառայության հայտարարության մեջ։
Սիմոնյանը գլխավորում է ռուսական RT քարոզչական հեռուստաընկերությունը։ Մեղադրանքների համար հիմք են ծառայել նրա գրառումներն ու հայտարարությունները սոցիալական ցանցերում և ռուսական հեռուստատեսությամբ։
Դեռևս մեկ տարի առաջ Ուկրաինայի անվտանգության ծառայությունը մեղադրանք էր առաջադրել Սիմոնյանին Ուկրաինայի տարածքային ամբողջականության դեմ ոտնձգության համար։ Այժմ այս հոդվածին ավելացվել է ևս երեք մեղադրանք՝ ուկրաինացիների ցեղասպանության կոչեր, պատերազմի քարոզչություն և Ուկրաինայի դեմ ռուսական ագրեսիայի արդարացում։
