24.02.2026 | 18:18
Վահագն Խաչատուրյանին իր հավատարմագրերն է հանձնել ՀՀ-ում Պաղեստինի առաջին դեսպան Իսա Կասիսիենին
Մոլդովայում մեկնարկել են Ռումինիայի և ԱՄՆ-ի զինվորականների մասնակցությամբ զորավարժությունները
Քաղաքականություն
01.04.2024 | 18:36
Մոլդովայում ապրիլի 1-ին մեկնարկել են JCET-2024 բազմազգ զորավարժությունները, որին մասնակցում են Ռումինիայի և ԱՄՆ-ի զինվորականները։ Զորավարժությունները կտևեն մինչև ապրիլի 19-ը։ Այս մասին հայտնում է Մոլդովայի պաշտպանության նախարարության մամուլի ծառայությունը, փոխանցում է Korrespondent-ը։
Զորավարժությունների նպատակը Մոլդովայի, Ռումինիայի և ԱՄՆ-ի հատուկ նշանակության ուժերի համատեղ ուսուցումն ու փորձի փոխանակումն է, ինչպես նաև մասնակից զորամիավորումների միջև փոխգործունակության մակարդակի բարձրացումը։
Այս տարի միջոցառմանը կմասնակցեն Պետական պահպանության և անվտանգության ծառայության և «Pantera» հատուկ նշանակության ջոկատի ներկայացուցիչներ։
Նշվում է, որ զինվորականները կիրականացնեն պարաշյուտով թռիչքներ, մարտական կրակահերթեր ցերեկը և գիշերը, դաշտային վարժանքներ կոնկրետ առաջադրանքների վերաբերյալ։
