07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Վորոնեժում պայթյուն է որոտացել միջինասիական թեմատիկայով սրճարանում
Քաղաքականություն
01.04.2024 | 15:37
Այսօր վաղ առավոտյան Վորոնեժ քաղաքի «Արևելյան չայխանա» սրճարանում պայթյուն է որոտացել։ Միջինասիական թեմատիկայով հաստատությունում միջադեպի մասին հայտնել է Վորոնեժի մարզի ՆԳՆ գլխավոր վարչությունը՝ մանրամասնելով, որ պայթյունի մասին հաղորդագրություն է ստացվել Մոսկվայի ժամանակով ժամը 3։00-ին, գրում է DW-ի ռուսական ծառայությունը։
Պայթյունի պատճառը, ըստ քննիչների հիմնական վարկածի, եղել է պատուհանից նետված նռնակը։ Նշվում է նաև, որ զոհեր և վիրավորներ չկան, քանի որ հարձակումն իրականացվել է այն ժամանակ, երբ սրճարանում ոչ ոք չի եղել։
«Կրոկուս սիթի հոլլում» տեղի ունեցած ահաբեկչությունից հետո Ռուսաստանի Դաշնությունում Կենտրոնական Ասիայից ներգաղթյալները բացահայ այլատյացության են բախվում, գրում է DW-ի ռուսական ծառայությունը: Գործով մեղադրյալները Տաջիկստանի քաղաքացիներ են։ Կենտրոնական Ասիայից միգրանտների նկատմամբ թշնամանքը Բլագովեշչենսկում դրսևորվել է բռնությամբ․ անհայտ անձինք հրդեհել են Տաջիկստանի քաղաքացիներին պատկանող խանութը։ Կալուգայում մի խումբ անհայտ անձինք ծեծի են ենթարկել Տաջիկստանի երեք քաղաքացիների։
Ինչպես հաղորդում է Baza-ն, տաջիկական սփյուռքը խորհուրդ է տվել Տաջիկստանի քաղաքացիներին երեկոյան ժամերին դուրս չգալ տներից։ Տաջիկստանի շատ քաղաքացիներ ցանկանում են լքել Ռուսաստանը, հայտնել է երկրի աշխատանքի փոխնախարար Շահնոզա Նոդիրին։
