30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կրեմլը ՀՀ բանկերի կողմից «Միր» քարտերն ընդունելուց հրաժարվելը բացատրում է ԱՄՆ ճնշմամբ
Քաղաքականություն
01.04.2024 | 16:14
ՀՀ առևտրային բանկերի կողմից ռուսական «Միր» քարտերի սպասարկումից հրաժարվելըԿրեմլը անբարյացակամ քայլ չի համարում, այլ բացատրում է որպես ԱՄՆ-ի աննախադեպ ճնշում, գրում է «Ինտերֆաքս»-ը։
«Մենք բազմիցս ասել ենք, որ շատ երկրներ են բախվում ԱՄՆ աննախադեպ ճնշմանը՝ երկրորդային պատժամիջոցների սպառնալիքներ, պատժամիջոցների սպառնալիքներ և այլն։ Եվ, իհարկե, տնտեսական կառույցները, ընկերությունները, բանկերը և այլ ֆինանսական հաստատությունները միջոցներ են ձեռնարկում ռիսկերից պաշտպանվելու համար»,- ասել է ՌԴ նախագահի մամուլի քարտուղար Դմիտրի Պեսկովը՝ ի պատասխան այն հարցին, թե արդյո՞ք հայկական բանկերի դիրքորոշումը «հակառուսականության գծի արտացոլում է»։
«Սա չի նշանակում, որ մենք չենք շարունակում մեր հայ ընկերների հետ աշխատանքը՝ սեփական ռիսկերը չեզոքացնելու և իրավիճակը շտկելու համար։ Դա հնարավոր է, և մենք մեր հայ ընկերների հետ շարունակում ենք քննարկել ամերիկացիների աննախադեպ ճնշումների հետևանքով հասցված վնասի փոխհատուցման ուղիները»,-հայտարարել է Դմիտրի Պեսկովը։
