16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Խարկովի նահանգապետը հայտնել է քաղաքացիական ենթակառուցվածքներին հասցված հարվածների մասին
Քաղաքականություն
01.04.2024 | 17:34
Ռուս զինվորականները հարվածներ են հասցրել Խարկովի մերձակայքում գտնվող քաղաքացիական ենթակառուցվածքներին։ Այս մասին հայտարարել է շրջանային ռազմական վարչակազմի ղեկավար Օլեգ Սինեգուբովը, հաղորդում է BBC-ի ռուսական ծառայությունը։
Սինեգուբովի խոսքով՝ երկուշաբթի օրը Խարկովում լսված պայթյունը կապված է Խարկովի մարզի Լյուբոտինսկի համայնքի ուղղությամբ հասցված հարվածի հետ։ Նա ասել է, որ հարձակումը եղել է քաղաքացիական ենթակառուցվածքի օբյեկտի վրա, սակայն կոնկրետ չի մանրամասնել՝ ինչի մասին է խոսքը։ Ըստ պաշտոնյայի՝ նախնական տվյալներով՝ վիրավորներ չկան, սակայն երկրորդ հարվածի սպառնալիք կա։ Ռուսական կողմը չի մեկնաբանել Խարկովում պայթյունների մասին հաղորդումները։
Չնայած Խարկովի ուղղությամբ պարբերական բնույթ կրող հարվածներին՝ ո՛չ իշխանությունները, ո՛չ զինվորականները քաղաքը տարհանելու անհրաժեշտություն չեն տեսնում։ Այս մասին LIGA.net-ին տված հարցազրույցում ասել է Խարկովի քաղաքապետ Իգոր Տերեխովը։
«Տարհանումը կատարվում է այն շրջանից, որտեղ մարտերը շարունակվում են։ Եվ այս մարդիկ գնում են Խարկով։ Այժմ քաղաքն ունի 1,3 միլիոն բնակիչ։ Առայժմ ո՛չ մենք, ո՛չ զինվորականները Խարկովից տարհանվելու պատճառ չենք տեսնում»,-ասել է նա։
