07.10.2026 | 23:48
Արթուր Դանիելյանը կալանավորվեց
Թուրքիայի ԿԸՀ-ն հայտնում է, որ ընդդիմությունը հաղթում է 35 քաղաքների ընտրություններում
01.04.2024 | 14:50
Թուրքիայի Բարձրագույն ընտրական հանձնաժողովի (YSK) նախագահ Ահմեդ Եները հայտարարություն է տարածել մարտի 31-ին տեղի ունեցած տեղական ինքնակառավարման մարմինների ընտրությունների վերաբերյալ։
Նշելով, որ ընտրություններին մասնակցությունը կազմել է 78,11 տոկոս՝ Եները հայտարարել է, որ քվեատուփերի 99 տոկոսը բացվել։ Եներն ասել է, որ նախնական արդյունքներով՝ ընդդիմադիր Ժողովրդահանրապետական կուսակցությունը ստացել է 35 քաղաքապետի պաշտոն, իշխող Արդարություն և զարգացում կուսակցությունը՝ 24, քրդամետ Ժողովուրդների հավասարություն և ժողովրդավարություն կուսակցությունը՝ 10, Ազգայնական շարժում կուսակցությունը՝ 8, Yeniden Refah Partisi-ն 2, Büyük Birlik Partisi-ն՝ 1, İyi Parti-ն՝ 1։
Նշենք, որ քվեաթերթիկների 99․82 տոկոսի մշակմամբ՝ CHP-ն հավաքել է ձայների ավելի քան 37,74 տոկոսը, ԱԶԿ-ն՝ 35,49 տոկոսը։
Անկարայում ընդդիմադիր գործող քաղաքապետ Մանսուր Յավաշը հավաքել է ձայների 60,35 տոկոսը, ԱԶԿ-ի թեկնածու Թուրգուտ Ալթինոքը՝ 31,69 տոկոսը, Ստամբուլում՝ գործող քաղաքապետ Էքրեմ Իմամօղլուն՝ 51,09, Էրդողանի թեկնածու Մուրադ Քուրումը՝ 39,59 տոկոսը, Իզմիրում ընդդիմադիր Ջեմիլ Թուգայը ստացել է ձայների 48,90, իշխող ուժից Համզա Դաղը՝ 37,07 տոկոսը։ Թուրքիայում բոլոր խոշոր քաղաքներում հաղթել է ընդդիմությունը։
