26.04.2026 | 13:38
ՃՏՊ Գեղամասար բնակավայրում․ կա տուժած
Մոսկվայի դատարանը Գոզմանի գործը կքննի հեռակա կարգով
Քաղաքականություն
01.04.2024 | 15:10
Մոսկվայի Գագարինյան դատարանը նյութեր է ստացել «ռազմական կեղծիքների» վերաբերյալ քրեական գործից, որը հարուցվել է 73-ամյա քաղաքական գործիչ և հրապարակախոս Լեոնիդ Գոզմանի դեմ (Ռուսաստանում «օտարերկրյա գործակալ» հայտարարված): Այս մասին գրում է Mediazona-ն (ևս գրանցված է «օտարերկրյա գործակալների» ռեգիստրում)՝ հղում անելով Մոսկվայի դատարանների տվյալների բազային։ Քանի որ Գոզմանը հեռացել է Ռուսաստանից, գործը կքննվի հեռակա կարգով։
Անցյալ տարվա դեկտեմբերին ՏԱՍՍ-ը, վկայակոչելով անանուն աղբյուրը, հայտնել էր, որ «Աջակողմյան ուժերի միություն» կուսակցության նախկին ղեկավարներից մեկի դեմ գործ է հարուցվել ռուսական բանակի մասին «կեղծիքների» համար։ Փետրվարին Մոսկվայի Գագարինյան դատարանը հեռակա կարգով ձերբակալել էր Գոզմանին։
2022 թվականի սեպտեմբերին քաղաքական գործիչը երկու անգամ ձերբակալվել է 15 օրով՝ ԽՍՀՄ-ը նացիստական Գերմանիայի հետ հրապարակայնորեն նույնականացնելու վերաբերյալ վարչական գործով։ Պատճառը Facebook-ում և LiveJournal-ում 2020 և 2013 թվականներին արված գրառումներն էին։ Գոզմանը, մասնավորապես, գրել էր, որ Ստալինը Հիտլերից վատն է, դրանից հետո քաղաքական գործիչը լքել էր Ռուսաստանը։
