07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Բելգորոդի շրջանի իշխանությունները հայտարարել են ավելի քան 6 հազար երեխայի տարհանման մասին
Քաղաքականություն
01.04.2024 | 14:46
Բելգորոդի շրջանի տարածքից տարհանվել է ավելի քան վեց հազար երեխա, հայտնել է նահանգապետ Վյաչեսլավ Գլադկովը։ Նրա խոսքով՝ երեխաներին տեղափոխել են Ռուսաստանի 30 տարբեր շրջաններ, գրում է Current Time-ը։
«Վերջին հանգստյան օրերին Սամարան, Սարանսկը, Նիժնի Նովգորոդը, Տամբովը, Յամալո-Նենեցական ինքնավար շրջանը, Խանտի-Մանսիյսկի ինքնավար շրջանը, Ստավրոպոլի երկրամասը ընդունեցին մեր երեխաներին»,- Telegram-ի իր ալիքում գրել է պաշտոնյան։
Նա նաև հավելել է, որ իշխանությունները շարունակում են պարենային փաթեթներ տրամադրել Գրեյվորոնսկի շրջանի բնակիչներին։
Բելգորոդի շրջանի իշխանությունները դպրոցականներին չնախատեսված արձակուրդ են տրամադրել և, ընդհանուր առմամբ, մտադիր են տարհանել ինը հազար երեխայի։
