23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
«Մեր տնտեսության դեմ հարձակումը ոչնչով չի տարբերվում մեր դրոշի կամ աղոթքի վրա կատարված հարձակումից». Էրդողան
Քաղաքականություն
20.08.2018 | 22:00
Թուրքիայի նախագահ Ռեջեփ Թայիփ Էրդողանը «Քուրբան բայրամի» (Զոհաբերության տոն) կապակցությամբ թուրք ժողովրդին հղած իր շնորհավորական ուղերձում անդրադարձել է նաև օրակարգային խնդիրներին:
«Մեր տնտեսության դեմ հարձակումը ոչնչով չի տարբերվում մեր դրոշի կամ ազանի (մուսուլմանական աղոթք) վրա կատարված հարձակումից: Նպատակը նույնն է: Նպատակը Թուրքիան և թուրք ազգին ծնկի բերելն ու ստրկացնելն է: Հազար ու մի խարդախությամբ, որոգայթներով Թուրքիան ծնկի բերել չկարողացողները եթե կարծում են, որ արտարժույթի փոխարժեքի միջոցով են մեզ ծնկի բերելու, շատ շուտով կտեսնեն, որ սխալվում են»:
Էրդողանն իր խոսքն ուղղել է նաև հաջ (ուխտագնացություն) կատարելու նպատակով Սաուդյան Արաբիայում գտնվողներին.
«Պաղեստինից մինչև Սիրիա, Հարավային Ասիայից մինչև Թուրքիստան, աշխարհի տարբեր վայրերում բռնության ենթարկվող բոլոր հալածյալների փրկության համար աղոթում եմ»:
ermenihaber.am
