12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ՌԴ-ն հայտնել է Բելգորոդում բազմահարկ բնակելի շենքին ԱԹՍ-ի բախվելու մասին
Քաղաքականություն
29.03.2024 | 20:07
Բելգորոդը հարձակման է ենթարկվել Ուկրաինայի զինված ուժերի կողմից ինքնաթիռային տիպի անօդաչու թռչող սարքի միջոցով, անօդաչու թռչող սարքը բախվել է բազմաբնակարան շենքին։
«Պայթյունի հետևանքով, ցավոք, մարդ է մահացել»,- Telegram-ում գրել է նահանգապետ Վյաչեսլավ Գլադկովը, փոխանցում է BBC-ի ռուսական ծառայությունը։
Ավելի վաղ տեղական Telegram-ալիքները տեսանյութ էին հրապարակել, որում, իբր, երևում է, որ անօդաչու թռչող սարքը թռչում է Բելգորոդի բնակելի թաղամասով, մխրճվում բազմահարկ բնակելի շենքի մեջ և պայթում։ BelPlus հեռուստաալիքի հաղորդմամբ՝ ԱԹՍ-ն մխրճվել է Բելգորոդի Գուբկինի և Շչորսա փողոցների խաչմերուկում գտնվող տան մեջ։
«Երկու մարդ տուժել է։ Մահացած տղամարդու կինը ստացել է գլխի փակ վնասվածք, դեմքի կտրած-ծակած վերքեր և ազդրի մակերեսային այրվածք։ Շտապօգնության մեքենան կնոջը տեղափոխել է մարզային կլինիկական հիվանդանոց։ Մեկ այլ բնակիչ ինքնուրույն դիմել է թիվ 2 քաղաքային հիվանդանոց, տղամարդը բեկորային վնասվածք է ստացել գոտկատեղի շրջանում»,- ասել է նահանգապետը։
Մարտին Բելգորոդը և Բելգորոդի շրջանն ամեն օր ենթարկվում են հրթիռների և ԱԹՍ-ների հարձակման: Ուկրաինան չի մեկնաբանում այդ հարձակումները։ Մարզի նահանգապետն ավելի վաղ հայտնել էր, որ այս հարձակումների հետևանքով զոհվել է 24 մարդ։
Այժմ Գլադկովը գրում է, որ անօդաչու թռչող սարքի հերթական հարվածի ժամանակ վնասվել են հինգ բնակարանների պատուհաններ և պատշգամբի ապակեպատ հատվածներ, վնասվել է նաև շենքի մոտ կայանված մեքենա։
