12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Բաքուն հիասթափված է ԱՄՆ հայտարարություններից ու գործողություններից. Հաջիև
Քաղաքականություն
29.03.2024 | 18:39
Շատ հիասթափեցնող է, որ Բաքվի ու Երևանի միջև խաղաղության գործընթացում ԱՄՆ-ը միակողմանի դիրքորոշում է որդեգրել հօգուտ Հայաստանի։ Չինական Phoenix հեռուստաալիքին տված հարցազրույցում նման հայտարարություն է արել Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
«Միացյալ Նահանգների որոշ հայտարարություններ և գործողություններ հիասթափեցնում են մեզ: Նրանք ընդունեցին Ազատության աջակցության ակտի 907-րդ ուղղումը՝ միակողմանի դիրքորոշում որդեգրելով Ադրբեջանի նկատմամբ: Սա նշանակում է ԱՄՆ կառավարության կողմից Ադրբեջանին տրամադրվող օգնության արգելք: Ադրբեջանը որևէ օգնության կարիք չունի։ Մենք այն երկիրը չենք, որն օգնություն է ստանում»,- ասել է Հաջիևը։
Նա նշել է, որ 907-րդ ուղղումն ընդունվել է ԱՄՆ Կոնգրեսի կողմից դեռ 1992 թվականին։
«Պատկերացրեք, որ դուք գտնվում եք օկուպացիայի տակ, և Կոնգրեսը որոշում է ընդունում, որն արգելում է ԱՄՆ կառավարությանն աջակցել Ադրբեջանին։ Կրկին նրանց ընտրությունն է: Բայց խնդիրն այն է, որ եթե միակողմանի քայլ եք անում, չեք կարող բանակցային գործընթացում լինել լիովին անաչառ կողմ»,- հայտարարել է նա։
Ալիևի օգնականն ասել է նաև, թե Ադրբեջանը բարձր է գնահատում աջակցության առաջարկները, սակայն չի հավատում, որ այս իրավիճակում որևէ միջնորդության անհրաժեշտություն կա։
