12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Էրդողանի՝ մայիսի 9-ին ԱՄՆ նախատեսված այցը հաստատվում է
Քաղաքականություն
29.03.2024 | 17:15
Թուրքիայի նախագահ Ռեջեփ Թայիփ Էրդողանի՝ մայիսի 9-ին ԱՄՆ նախատեսված այցը հաստատվում է։ Տեղական լրատվամիջոցների հաղորդմամբ՝ Թուրքիայի հետախուզական ծառայության ղեկավար Իբրահիմ Քալընը հանդիպելու է Անկարա ժամանած ԱՄՆ Ներկայացուցիչների պալատի պաշտպանական հարցերի հանձնաժողովի անդամների հետ։ Հանդիպման օրակարգում է նաև մայիսի 9-ին նախագահ Էրդողանի ծրագրված այցը ԱՄՆ։
Հաղորդվում է, որ այսօր կայանալիք հանդիպմանը Քալընը կքննարկի երկկողմ հարաբերություններին, Ուկրաինայի և Գազայի պատերազմներին, ԻԼԻՊ-ի և PKK-ի դեմ պայքարին, մայիսի 9-ին նախագահ Ռեջեփ Թայիփ Էրդողանի՝ ԱՄՆ այցին առնչվող հարցեր։
Reuters-ն էլ, վկայակոչելով թուրքական իր աղբյուրին, գրում է, որ նախագահ Ռեջեփ Թայիփ Էրդողանը մայիսի 9-ին կայցելի ԱՄՆ։
Էրդողանի՝ մայիսին ԱՄՆ կատարելիք այցի մասին ավելի վաղ հայտնել էր թուրքական Hurriyet-ը։
ԱՄՆ նախագահի պաշտոնում Ջո Բայդենի ընտվելուց հետո Էրդողանն այդպես էլ ընդունելության չի արժանացել Սպիտակ տանը։ Անկարան ակտիվ ջանքեր էր գործադրում հանդիպման կազմակերպման համար։ Այս այցը կլինի նաև Բայդեն-Էրդողան առաջին հանդիպումը, որը տեղի կունենա Սպիտակ տանը նախագահ Ջո Բայդենի վարչակազմի օրոք։ Էրդողանը Բայդենի հետ հանդիպումներ է ունեցել միջազգային գագաթնաժողովների ժամանակ, իսկ վերջին անգամ նրանք հանդիպել են անցյալ տարվա հուլիսին Լիտվայում ՆԱՏՕ-ի գագաթնաժողովի շրջանակում։
Էմմա Չոբանյան
