30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Սևաստոպոլում ռուսական կործանիչ է ընկել ծովը․ ՏԵՍԱՆՅՈՒԹ
Քաղաքականություն
29.03.2024 | 11:40
Ռուսաստանի կողմից բռնակցված Ղրիմում՝ Սևաստոպոլում ռազմական ինքնաթիռն ընկել է ծովը, Telegram-ում հայտնել է քաղաքի ռուս նահանգապետ Միխայիլ Ռազվոժաևը։ Դատելով ականատեսների տեսագրություններից՝ ռուսական Սու-35 կամ Սու-27 կործանիչ է, գրում է VOA-ն։
Վթարից առաջ ինքնաթիռն այրվել է օդում։ Ռազվոժաևի խոսքով՝ օդաչուն փրկվել է։ Տեղական ջրային տրանսպորտը դադարեցրել է երթևեկը շուրջ 20 րոպեով:
Քաղաքում բնակվող ռուս զինվորական բլոգեր Բորիս Ռոժինը Telegram-ում գրառմամբ պնդել է, որ ինքնաթիռը կարող էր ընկերական կրակի տակ ընկնել։ Ռուսաստանի Պաշտպանության նախարարությունը և Ուկրաինայի զինված ուժերը հրապարակման պահին դեռևս չեն մեկնաբանել միջադեպը։ Պատահարի մյուս տարբերակները ներառում են տեխնիկական խնդիրներն ու շարժիչ թռչնի ներթափանցումը։
Մեկ նստատեղ ունեցող Սու-35 կործանիչը ռուսական բանակի ամենաժամանակակից ինքնաթիռներից է, այն ծառայության է անցել 2017 թվականին։ Օգտագործվում է Ռուսաստանի, ինչպես նաև Չինաստանի ու Իրանի բանակներում։
Ռուսական մի շարք աղբյուրներ պնդում են, որ ավելի հին Սու-27 կործանիչ է ընկել ծովը։ Սա պաշտոնապես չի հաստատվել։
Մանրամասները՝ տեսանյութում։
