Էրդողանի կուսակցության խոսնակը հայտարարել է, թե «Կրոկուս»-ի ահաբեկչության հետևում օտար երկրի հետախուզություն է կանգնած

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցության փոխնախագահ և խոսնակ Օմեր Չելիքը թուրքական NTV-ին տված հարցազրույցում անդրադարձել է Մոսկվայի «Կրոկուս սիթի հոլլ»-ում տեղի ունեցած ահաբեկչությանը։

«Խոսքը մեծ դահլիճի մասին է։ Պետք է իմանալ՝ ուր մտնել, ինչ-որ մեկը պետք է ցույց տա: Պատկերացրեք՝ մարդիկ, որոնք եկել են Մերձավոր Արևելքից աշխատանք փնտրելու, հանկարծ շատ պրոֆեսիոնալ  են դառնում, նրանց դարձնում եք պրոֆեսիոնալ հարձակվողներ և իրականացնում այս գործողությունը։ Դա չի կարող լինել առանց որևէ պետության հետախուզական աջակցության։ Սա այն  չէ, որն ԻԼԻՊ-ը կարող է միայնակ անել, նման միջոցառումները հովանավորներ ունեն»,- ասել է Չելիքը՝ չնշելով, սակայն, թե ում նկատի ունի։

Նա նաև չի անդրադարձել հարցին, թե ինչ են արել Թուրքիայում ահաբեկչության մեջ կասկածվող անձանցից երկուսը։

Մոսկվայում համերգասրահի վրա հարձակման կասկածյալներից երկուսը՝ Տաջիկստանի քաղաքացիներ Ռաչաբալիզոդա Սաիդաքրամին և Շամշիդին Ֆարիդունին, «ազատորեն Թուրքիայից մեկնել են Ռուսաստան», ավելի վաղ AFP-ին հայտնել էր թուրք պաշտոնյաներից մեկը՝ անանունության պայմանով։ Նա ասել էր, որ երկուսն էլ հարձակումից անմիջապես առաջ որոշ ժամանակ անցկացրել են Թուրքիայում և Ստամբուլից Ռուսաստան են մեկնել նույն չվերթով։

Թուրքական իշխանությունները պարզել էին, որ կասկածյալներից Ֆարիդունին փետրվարի 20-ին մեկնել է Թուրքիա, իսկ մարտի 2-ին վերադարձել Ռուսաստան Ստամբուլի օդանավակայանով։ Փետրվարի 21-ին կասկածյալը տեղավորվել է Ստամբուլի Ֆաթիհ թաղամասի հյուրանոցներից մեկում և վեց օր անց հեռացել: Ըստ թուրքական աղբյուրի՝ նախնական հարցաքննության ժամանակ նա խոստովանել է, որ մեկնել է Թուրքիա, քանի որ Ռուսաստանում իր մուտքի արտոնագրի ժամկետը լրացել է։ Փետրվարի 23-ին Ֆարիդունին ութ անգամ հրապարակում է արել սոցիալական ցանցում, որտեղ նշված է «Աքսարայ Ստամբուլ», իսկ լուսանկարներում, ըստ երևույթին, ցուցադրված է Ֆաթիհ մզկիթը։ Մյուս կասկածյալը Ստամբուլ է ժամանել հունվարի 5-ին, նույն օրն իջևանել է Ֆաթիհի հյուրանոցում և հեռացել հունվարի 21-ին։ Ըստ աղբյուրի՝ մարտի 2-ին նա վերադարձել է Մոսկվա Ֆարիդունիի հետ նույն չվերթով։

Էմմա Չոբանյան