14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ինչո՞ւ ՀՔԾ-ն Ռ․ Քոչարյանի տան խուզարկության մասին հայտնեց այն իրականացնելուց երկու շաբաթ անց
Հասարակություն
20.08.2018 | 17:25
ՀՀ երկրորդ նախագահի գրասենյակի ղեկավար Վիկտոր Սողոմոնյանի համար մտահոգությունների տեղիք է տալիս այն հանգամանքը, որ Ռոբերտ Քոչարյանի տան խուզարկության մասին Հատուկ քննչական ծառայությունը լրատվամիջոցներին հայտնում է այն իրականացնելուց երկու շաբաթ անց միայն։
«Զարմանալի է` ինչպես է ստացվում, որ Ռոբերտ Քոչարյանի ու նրա նկատմամբ կատարվող որոշ գործողություններ, անգամ չկատարվածները մամուլին հասանելի է դարձնում վայրկենապես, սակայն մյուս կողմից երկու շաբաթ առաջ Ռ․ Քոչարյանի տունը խուզարկում են, որի մասին, սակայն, լրատվամիջոցներին հայտնում են միայն երկու շաբաթ անց։ Այստեղ կա շատ լուրջ մտորումների և մտահոգությունների առարկա, ինչն այժմ չեմ կարող ասել»,- ասաց Վիկտոր Սողոմոնյանը։
Հիշեցնենք, որ այսօր ավելի վաղ տեղեկացրել ենք, որ Հատուկ քննչական ծառայությունը «Մարտի 1»-ի գործով խուզարկություն է իրականացրել Հայաստանի երկրորդ նախագահ Ռոբերտ Քոչարյանի առանձնատանը։
Նշենք նաև, որ Ռոբերտ Քոչարյանը «Մարտի 1-ի» քրեական գործով մեղադրվում է սահմանադրական կարգը տապալելու համար:
Աղավնի Սուքիասյան
