15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
Քաղաքականություն
28.03.2024 | 16:18
Համբուրգի դատախազությունը Գերմանիայի չորս, ինչպես նաև Ֆրանսիայի և Շվեյցարիայի մեկ քաղաքացու մեղադրանք է առաջադրել հակառուսական պատժամիջոցները խախտելու համար՝ Ղրիմ Siemens գազային տուրբինների մատակարարմանը նրանց մասնակցության համար, գրում է Current time-ը։
Մեղադրական եզրակացության համաձայն՝ 5 մեղադրյալները, օգնելով ներկրնել 111 մլն եվրո արժողությամբ տուրբինները Համբուրգից Սանկտ Պետերբուրգ, իմացել են, որ վերջնակետը լինելու են Ղրիմի երկու էլեկտրակայանները։
Siemens-ի ներկայացուցիչը հայտնել է, որ ընկերությունը շարունակում է աջակցել իշխանություններին հետաքննության հարցում: Հաղորդվում է, որ կասկածյալներից մեկը դեռևս աշխատում է ընկերությունում: Հինգն էլ վիճարկում են մեղադրանքները։
Դեռևս 2017 թվականի հուլիսի սկզբին հայտնի էր դարձել, որ պատժամիջոցները շրջանցելով՝ Ղրիմ են մատակարարվել չորս հզոր Siemens գազային տուրբիններ։ Պայմանագրի ընդհանուր գումարը կազմել է 213 մլն եվրո (մեկ տուրբինի արժեքը, ըստ փաստաթղթի, կազմում է 27,95 մլն եվրո), յոթ տուրբիններից միայն չորսն է առաքվել Ղրիմ։
Դրանից հետո Siemens-ը դատի էր տվել ռուսական երկու ընկերություններին, որոնք «Ռոստեխի» մասնաճյուղերն են՝ պահանջելով վերադարձնել բոլոր տուրբինները և անվավեր ճանաչել վաճառքի գործարքները: Մոսկվայի արբիտրաժային դատարանը մերժել էր այս հայցը։
