14.12.2025 | 11:41
Ապարանի համայնքապետարանը՝ քամու պատճառած վնասների մասին
ԱՄՆ-ն ու Հարավային Կորեան պատժամիջոցներ են սահմանել ԿԺԴՀ-ի դեմ
Քաղաքականություն
28.03.2024 | 13:54
Միացյալ Նահանգները և Հարավային Կորեան պատժամիջոցներ են սահմանել Ռուսաստանից, Չինաստանից և Արաբական Միացյալ Էմիրություններից վեց ֆիզիկական անձանց ու երկու կազմակերպությունների նկատմամբ՝ Հյուսիսային Կորեայի զանգվածային ոչնչացման զենքի ծրագրին աջակցելու համար: Այս մասին ասվում է ԱՄՆ Ֆինանսների նախարարության կայքում հրապարակված հաղորդագրությունում։
Ի թիվս այլ միջազգային ընկերությունների՝ պատժամիջոցների տակ է հայտնվել ռուսական «Ալիս» ընկերությունը, որը հիմնվել է Վլադիվոստոկում և կապված է ԱՄՆ սահմանափակումների տակ գտնվող հյուսիսկորեական Chinyong ընկերության հետ։ Ըստ Վաշինգտոնի՝ Chinyong-ն օգտագործում է ընկերությունների և ներկայացուցիչների ցանց՝ Ռուսաստանում և Լաոսում աշխատող «հյուսիսկորեացի ՏՏ ոլորտի հազարավոր մասնագետների» կառավարման համար։
Վաշինգտոնը և Սեուլը պատժամիջոցներ են սահմանել վեց հյուսիսկորեացիների նկատմամբ, այդ թվում՝ հյուսիսկորեական Daesong Bank և Jinmyong Joint Bank բանկերի ներկայացուցիչների:
ԱՄՆ-ն և Հարավային Կորեան ցանկանում են արգելափակել Ռուսաստանից ԿԺԴՀ ապօրինի նավթի մատակարարումները։
Նախօրեին ԱՄՆ-ն ու Հարավային Կորեան հայտարարեցին նոր աշխատանքային խմբի ստեղծման մասին, որի նպատակն է թույլ չտալ Հյուսիսային Կորեային նավթ ստանալ, այդ թվում՝ Ռուսաստանից՝ շրջանցելով ՄԱԿ-ի պատժամիջոցները։
