22.01.2026 | 13:53
Արման Ծառուկյանը ֆուտբոլ է խաղացել Գլեյնդեյլի հայկական թիմի խաղացողների հետ․ ՏԵՍԱՆՅՈՒԹ
Շաքարավազում՝ փոշենման զանգված, կասկածելի դառը համով աղցան. «Սևան» ՔԿՀ-ում հանձնուքներում հայտնաբերվածը ուղարկվել է փորձաքննության
Հասարակություն
20.08.2018 | 16:37
Օգոստոսի 17-ին՝ ժամը 13:00-ի սահմաններում, օպերատիվ տվյալներն իրացնելիս՝ ՀՀ ԱՆ «Սևան» քրեակատարողական հիմնարկի աշխատակիցները զննության են ենթարկել դատապարտյալ Մ. Ս.-ին կարճատև տեսակցության եկած քաղաքացուհի Ն. Ս.-ին, որի սպորտային կոշիկների տակդիրի տակից հայտնաբերել են կպչուն ժապավենով փաթեթավորված բջջային հեռախոսի 5 բաժանորդային քարտ:
Նույն օրը՝ ժամը 15:40-ի սահմաններում, ՀՀ ԱՆ «Հրազդան» քրեակատարողական հիմնարկի աշխատակիցները, օպերատիվ տվյալներն իրացնելիս, քաղաքացի Ա. Վ.-ի կողմից դատապարտյալ Ս. Ն.-ի անվամբ բերված հանձնուքի մեջ առկա 400 գրամ շաքարավազում հայտնաբերել են կասկածելի, փոշենման զանգված:
Օգոստոսի 17-ին՝ ժամը 16:30-ի սահմաններում, օպերատիվ տվյալներն իրացնելիս՝ ՀՀ ԱՆ «Նուբարաշեն» քրեակատարողական հիմնարկի աշխատակիցները զննության են ենթարկել կալանավորված անձ Մ. Կ.-ի անվամբ քաղաքացուհի Ք. Տ.-ի կողմից բերված հանձնուքը: Պլաստմասե երկու տարաների մեջ առկա է եղել կասկածելի դառը համով աղցան:
Հայտնաբերվածներն ուղարկվել են դատաքիմիական փորձաքննության:
Փաստերի առթիվ նախապատրաստվում են նյութեր:
