16.01.2025 | 15:47
Նախորդ տարի մեզ հաջողվել է կրճատել վթարների թիվը․ Արփինե Սարգայան
Ռասմուսենը չարաշահում է ՆԱՏՕ-ի նախկին գլխավոր քարտուղարի կարգավիճակը․ Բաքուն հիմա էլ դժգոհում է «Հայաստանի բարեկամներ ցանցի» զեկույցից
Քաղաքականություն
27.03.2024 | 20:53
Ադրբեջանի ԱԳՆ մամուլի քարտուղար Այխան Հաջիզադեն մեկնաբանել է Դանիայի նախկին վարչապետ, ՆԱՏՕ-ի նախկին գլխավոր քարտուղար Անդերս Ֆոգ Ռասմուսենի գլխավորած «Հայաստանի բարեկամների ցանց» խմբի զեկույցը Հայաստանի և Ադրբեջանի վերաբերյալ։ Հաջիզադեն ասել է, որ խստորեն դատապարտում և մերժում են «Ավելի շատ Հայաստան Եվրոպայում» զեկույցում տեղ գտած, իր բնորոշմամբ, անհիմն մեղադրանքներն Ադրբեջանի հասցեին։
«Զեկույցում տեղ գտած զրպարտիչ և միանգամայն անհիմն դրույթները, որոնցում խեղաթյուրված են բոլոր փաստերը, Ադրբեջանի դեմ զրպարտչական արշավի մաս են կազմում։ Այս դրույթները լուրջ հարցականի տակ են դնում հիշյալ զեկույցը, որը, իբր, ուղղված է Հայաստանի և Եվրամիության հարաբերությունների խորացմանը։ Իրականում սա ոչ այլ ինչ է, քան անհեթեթ քարոզչություն»,- ասվում է հայտարարության մեջ։
Նշվում է, թե «Ռասմուսենը շարունակում է չարաշահել ՆԱՏՕ-ի նախկին գլխավոր քարտուղարի կարգավիճակը՝ իր RasmussenGlobal ընկերության առաջխաղացման և կասկածելի լոբբիստական ու ազդեցության ծառայություններ մատուցելու համար»: Ըստ Բաքվի ներկայացուցչի՝ «ՀՀ կառավարությունը հարյուր հազարավոր ԱՄՆ դոլարներ է ծախսել այս զեկույցի համար, որն առանց երկար մտածելու հավանության է արժանացել»։
«Համոզված ենք, որ այս միակողմանի դիրքորոշումը, անտեսելով բոլոր առկա փաստերը, Հայաստանի ռևանշիստական խմբերին Ադրբեջանի նկատմամբ ավելի արմատական դիրքորոշման մղելուց բացի, հասարակության մեջ պատրանք է ստեղծում, որ Արևմուտքն աջակցում է Հայաստանի ոչ կառուցողական դիրքորոշմանը խաղաղ գործընթացում։ Քաղաքական գործիչների, այդ թվում՝ եվրոպական կառույցների ծախսատար և անիմաստ զրպարտչական արշավները չեն ծառայում տարածաշրջանային կայունությանը և խաղաղության ամրապնդմանը։ Փոխարենը, Հայաստանի կառավարությունը և հայկական լոբբիստական խմբերը պետք է կենտրոնանան տարածաշրջանում իրական խաղաղության օրակարգի խթանման վրա»,- ասվում է հայտարարության մեջ։
