Բաքուն կրկին դժգոհել է ՀՀ-ում ԵՄ առաքելությունից և Ֆրանսիայի ու Հունաստանի հետ ՀՀ ռազմական գործակցությունից

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Հայաստանում տեղակայված ԵՄ դիտորդական առաքելությունն «օգտագործվում է որպես հակաադրբեջանական քարոզչության գործիք»։ Նման հայտարարությամբ է հանդես եկել Ադրբեջանի ԱԳՆ-ն։

«Ադրբեջանական կողմը բազմիցս բացահայտորեն արտահայտել է իր դիրքորոշումը մեր տարածաշրջանի հետ կապված Եվրամիության, մասնավորապես, նրա անդամ որոշ երկրների որոշակի մոտեցումների և գործողությունների վերաբերյալ։ Բացի այդ, 2022 թվականի հոկտեմբերի 6-ին Պրահայում կայացած քառակողմ հանդիպման ժամանակ ադրբեջանական կողմին կոչ է արվել համաձայնել Եվրամիության կարճաժամկետ դիտորդական առաքելության տեղակայմանը, որը բաղկացած է 40 քաղաքացիական դիտորդներից, որոնք, ենթադրաբար, պետք է նպաստեին Ադրբեջանի և Հայաստանի միջև սահմանի երկայնքով վստահության հաստատմանը»,- ասվում է հայտարարության մեջ։

Բաքուն դժգոհում է, որ առանց Ադրբեջանի համաձայնության՝ նախնական երկամսյա ժամկետից հետո ԵՄ դիտորդական առաքելությունը վերածվել է Հայաստանում ԵՄ առաքելության՝ զգալիորեն ավելացած ժամկետով և դիտորդների ավելի մեծ թվով։

«Այդ ժամանակից ի վեր այս առաքելությունն ակտիվորեն օգտագործվում է որպես հակաադրբեջանական քարոզչության գործիք։ Բացի այդ, ԵՄ առաքելությանը Կանադայի միանալով այն դե ֆակտո ՆԱՏՕ-ի առաքելություն է դարձել: Այս քայլերն ուղեկցվում են նաև հայտարարություններով, որոնք առաքելությունն անվանում են «զսպող ուժ» և առանց որևէ հիմքի ադրբեջանական հնարավոր միջամտության պատրանք են ստեղծում»,- ասված է Բաքվի հայտարարությունում։

Բացի այդ, Ադրբեջանը, որն Իսրայելի, Թուրքիայի, Սերբիայի ու մի շարք այլ երկրների հետ սպառազինության ձեռքբերման նոր պայմանագրեր է կնքում, շարունակում է դժգոհել, որ Հայաստանը ռազմական համագործակցություն է զարգացնում Ֆրանսիայի և Հունաստանի հետ։

«Մտահոգության մեկ այլ հարց էլ Հայաստանի ռազմականացմանն ուղղված Ֆրանսիայի արշավն է, որը ներառում է ռազմական մատակարարումների ավելացման նոր խոստումներ։ ԵՄ մեկ այլ անդամ՝ Հունաստանը, վերջերս հայտարարություններ է արել Հայաստանի հետ ռազմական համագործակցության խորացման մասին։ Բացի այդ, Խաղաղության եվրոպական հիմնադրամի շրջանակում Հայաստանին ռազմական օգնություն տրամադրելու ծրագրերն ու տեղեկությունը, որ ապրիլի 5-ին կայանալիք հանդիպումը կներառի ռազմական բաղադրիչներ, առաջացնում է հետագա մտահոգություններ և խաթարում է տարածաշրջանում խաղաղության կառուցման ջանքերը»,- ասվում է Ադրբեջանի ԱԳՆ-ի հայտարարությունում։

Էմմա Չոբանյան