24.02.2026 | 18:18
Վահագն Խաչատուրյանին իր հավատարմագրերն է հանձնել ՀՀ-ում Պաղեստինի առաջին դեսպան Իսա Կասիսիենին
Ռուսաստանի ՊՆ-ն հայտնում է Բելգորոդում 18 հրթիռ խոցելու մասին
Քաղաքականություն
27.03.2024 | 12:46
ՌԴ Պաշտպանության նախարարությունն առավոտյան հաղորդագրություն է տարածել Բելգորոդի գիշերային հրթիռակոծության մասին։ Գերատեսչության հաղորդագրության համաձայն՝ խոցվել է RM-70 «Վամպիր» բազմակի արձակման հրթիռային համակարգի 18 հրթիռ, գրում է BBC-ի ռուսական ծառայությունը։
Բելգորոդի նահանգապետ Վյաչեսլավ Գլադկովը հրետակոծության մասին հայտնել է տեղական ժամանակով 1-ի սահմաններում։ Պաշտոնյան իր Telegram-ալիքում գրել է, որ բոլոր հրթիռները խոցվել են Բելգորոդին մոտենալու ժամանակ, իսկ նրա հարավային արվարձանում մեկ մարդ վիրավորվել է, 13 տուն և 8 մեքենա է վնասվել։
Մոտավորապես նույն ժամանակահատվածում ռուսական բանակը հարևան Կուրսկի շրջանից «Շահեդ»-ներ է կիրառել Ուկրաինայի ամբողջ տարածքի ուղղությամբ: Ուկրաինայի հյուսիսային շրջաններից հաղորդագրություններ են ստացվել անօդաչու թռչող սարքերի ուղղությամբ հակաօդային պաշտպանության կրակի մասին, սակայն գրոհի հետևանքների մասին տեղեկություններ դեռևս չկան։
