14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«Կրոկուս սիթի հոլլի» վրա հարձակման պատվիրատուն բացահայտված չէ․ ՌԴ ԱԴԾ տնօրեն
Քաղաքականություն
26.03.2024 | 17:27
ՌԴ Անվտանգության դաշնային ծառայության տնօրեն Ալեքսանդր Բորտնիկովը հայտնել է, որ «Կրոկուս սիթի հոլլ» համերգասրահի վրա հարձակման պատվիրատուն դեռ չի բացահայտվել։ Հարձակման մեջ ներգրավված մարդկանց շրջանակը կընդլայնվի, կասկածյալների թիվն ավելի շատ կլինի, քան այս պահին կալանավորված 11-ը, հավելել է Բորտնիկովը, փոխանցում է BBC-ի ռուսական ծառայությունը։
Ռուսաստանի նախագահ Վլադիմիր Պուտինի և ՌԴ Անվտանգության խորհրդի ղեկավար Նիկոլայ Պատրուշևից հետո Բորտնիկով ևս հայտարարել է, թե, իբր, ուկրաինական հատուկ ծառայությունները նպաստել են հարձակմանը, որը նախապատրաստել են արմատական իսլամիստները։
Ուկրաինան արդեն իսկ հերքել է Մոսկվայի նման պնդումները՝ դրանք որակելով «լիակատար սուտ»։
