10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Մանվել Գրիգորյանի համար դատաբժշկական փորձաքննություն է նշանակվել
Հասարակություն
20.08.2018 | 13:40
Ինչպես արդեն տեղեկացրել ենք, Հատուկ քննչական ծառայությունը միջնորդություն է ներկայացրել Գլխավոր դատախազությանը պատգամավոր Մանվել Գրիգորյանի կալանքը երկարաձգելու վերաբերյալ, որն էլ բավարարվել է։
Թե որոնք են եղել Մանվել Գրիգորյանի կալանքի միջնորդության երկարաձգման պատճառները, Factor.am-ը փորձեց պարզել ՀՔԾ-ից։
Մեզ հետ զրույցում Հատուկ քննչական ծառայության պետի խոսնակ Մարինա Օհանջանյանը նկատեց, որ գործի քննության այս փուլում ՀՔԾ-ի կողմից հրապարակման ենթակա չեն այն հիմքերը, որոնք դրվել են կալանքի երկարաձգման որոշման հիմքում։
«Մանվել Գրիգորյանի կալանքի երկարաձգման համար նրա առողջական վիճակի մասին հարցը չի քննարկվել, թեև նշանակվել է դատաբժշկական փորձաքննություն»,- ասաց Օհանջանյանը։
Աղավնի Սուքիասյան
