26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ռուս զինվորականները կրկին ԱԹՍ-ներով հարվածել են Խարկովին. քաղաքի մի մասը դեռ հոսանքազրկված է
Քաղաքականություն
26.03.2024 | 12:34
Մարտի 26-ի գիշերը ռուս զինվորականները կրկին անօդաչու թռչող սարքերով հարվածել են Խարկովին, քաղաքում պայթյուններ են լսվել: Այս մասին հայտնել են տեղի իշխանությունները, փոխանցում է Current Time-ը:
Խարկովի և Սումիի շրջաններում օդային տագնապ է հայտարարվել։
«Суспільне»-ն գրում է, որ Խարկովում առնվազն հինգ պայթյուն է լսվել։ Խարկովի շրջանային վարչակազմի ղեկավար Օլեգ Սինեգուբովն ավելի ուշ հայտնել է, որ, ըստ նախնական տեղեկությունների, ուկրաինացի զինվորականները խոցել են առնվազն ութ «Շահեդ»։
Քաղաքապետ Իգոր Տերեխովը Telegram-ի իր ալիքում գրել է, որ մեկ անօդաչու թռչող սարք բախվել է գետնին ոչ բնակելի շենքի մոտ։ Քաղաքապետի խոսքով՝ լուրջ հետևանքներ չկան՝ միայն մեծ փոս և կոտրված ապակիներ։
Մարտի 22-ին Խարկովի էներգետիկ համակարգը ՌԴ-ի կողմից ենթարկվել է ամենազանգվածային հարձակման։ Ռուսական բանակը քաղաքի ուղղությամբ արձակել է տարբեր տեսակի 88 հրթիռ և 63 անօդաչու թռչող սարք, որոնք ամբողջությամբ հոսանքազրկել են քաղաքը։ Տուժել է նաև Դնեպրի հիդրոէլեկտրակայանը։
Մարտի 25-ի առավոտվա դրությամբ՝ Խարկովում առանց էլեկտրականության է մնացել 200 հազար բաժանորդ։ Քաղաքն ունի էլեկտրաէներգիայի ժամային անջատումների գրաֆիկ, մետրոյի գնացքները գործում են, բայց սահմանափակ: Խարկովում հոսանքազրկման պատճառով որոշել են վաղաժամ ավարտել ջեռուցման սեզոնը։
