15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Կովկասում արտատարածաշրջանային ուժերի մասնակցությունը պետք է խիստ սահմանափակվի․ Պեսկով
Քաղաքականություն
26.03.2024 | 11:16
Կրեմլում հուսով են, որ Ռուսաստանն ու Հայաստանը կանցնեն հարաբերությունների բարդ ժամանակաշրջանը, և «Երևանում կգերակայի Մոսկվայի հետ փոխգործակցությունը շարունակելու քաղաքական կամքը»։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը aif.ru-ին տված հարցազրույցում, փոխանցում է «Ինտերֆաքս»-ը։
«Հիմա մենք բավական բարդ շրջան ունենք մեզ համար բարեկամանական, եղբայրական Հայաստանի հետ՝ ավելին, քան եղբայրական, քանի որ մեզ մոտ ավելի շատ հայեր են ապրում, քան հենց Հայաստանում»,- ասել է Պեսկովը։
Նա նշել է, թե «ՌԴ քաղաքացի հայերի տնտեսական ակտիվությունը Հայաստանի բյուջեում մեծ հոսքեր է ապահովում․ խոսքը տարեկան մի քանի միլիարդ դոլարի մասին է»։
«Կովկասյան տարածաշրջանը, ցավոք, գրավում է տարբեր արտատարածաշրջանային ուժերի ուշադրությունը։ Մենք համոզված ենք, որ այդ ուժերի մասնակցությունը պետք է խիստ սահմանափակվի, քանի որ նրանք ի վիճակի չեն այնտեղ կայունություն և բարգավաճում բերել։ Հուսանք՝ Երևանում կտիրի քաղաքական կամք՝ շարունակելու մեր հարաբերությունների զարգացումը, և մենք հաջողությամբ կանցնենք այս դժվարին շրջանը»,- հայտարարել է Դմիտրի Պեսկովը։
