07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Բաքուն քննադատել է Կլաարի հայտարարությունն ու հայտարարել է, թե «գյուղերը տարածքային վեճի առարկա չեն»
Քաղաքականություն
26.03.2024 | 11:26
Ադրբեջանի արտգործնախարարության խոսնակ Այխան Հաջիզադեն արձագանքել է Հարավային Կովկասում ԵՄ հատուկ ներկայացուցիչ Տոյվո Կլաարի երեկվա հայտարարությանը։ Ըստ Հաջիզադեի՝ ՀՀ-ից Ադրբեջանի պահանջած գյուղերը «տարածքային վեճի առարկա չեն»։
«Պարոն Տոյվո Կլաարը չի կարող ձերբազատվել կողմնակալությունից և միայն բացասական լույսի տակ է տեսնում է ադրբեջանական գյուղերի վերադարձի վերաբերյալ օրինական դիսկուրսը, մինչդեռ, բացարձակապես անտեսում է ապօրինի օկուպացիայի շարունակման համար պայքարելու կոչերը, որոնք հնչում են հայկական ԶԼՄ-ներում։ Ի դեպ, այդ գյուղերը տարածքային վեճի առարկա չեն», –X-ի միկրոբլոգում գրել է Հաջիզադեն։
Հիշեցնենք, որ ԵՄ ներկայացուցիչն անընդունելի էր համարել ադրբեջանական լրատվամիջոցներում Հայաստանի հասցեին հնչող սպառնալիքները։ Կլաարը հայտարարել էր, որ «սահմանների սահմանազատման վերաբերյալ իրական բանակցություններ են անհրաժեշտ, և բոլոր տարածքային վեճերը պետք է լուծվեն խաղաղ ճանապարհով և համաձայնեցված գործընթացի շրջանակներում»։
Հիշեցնենք նաև, որ Բաքուն ՀՀ-ից պահանջում Տավուշի մարզի ու Ղազախի շրջանի սահմանագծին գտնվող չորս գյուղերը։
