23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
ՌԴ-ում ռազմական «ֆեյքերի» գործով հեռակա կարգով 8 տարվա ազատազրկման են դատապարտել ակտիվիստ Անաստասիա Ագեևային
Քաղաքականություն
25.03.2024 | 23:17
Մոսկվայի Լյուբլինսկի շրջանային դատարանը ակտիվիստ Անաստասիա Ագեևային հեռակա կարգով դատապարտել է ութ տարվա ազատազրկման ընդհանուր ռեժիմի գաղութում՝ ռազմական «կեղծիքների» գործով (Ռուսաստանի Դաշնության Քրեական օրենսգրքի 207.3-րդ հոդվածի 2-րդ մասի «դ» կետ), տեղեկացնում է դատարանի մամուլի ծառայությունը։
Բացի ազատազրկումից՝ դատարանն ակտիվիստին չորս տարով արգելել է ինտերնետային կայքեր կառավարել։
Ագեևայի դեմ գործի պատճառը, ըստ OVD-Info նախագծի, եղել են երկու հակապատերազմական մեկնաբանությունները, որոնք աղջիկը, իբր, թողել է VK-ում։
Ագեևան երկու անգամ կալանավորվել է հակապատերազմական ցույցերի ժամանակ 2022 թվականին։ Նույն թվականի ապրիլին նա 15 օրով ձերբակալվել է մանր խուլիգանության հոդվածով (ՌԴ Վարչական իրավախախտումների վերաբերյալ օրենսգրքի 20.1 հոդված):
2022 թվականի վերջին ակտիվիստուհին լքել է Ռուսաստանը անվտանգության ուժերի սպառնալիքների պատճառով, ներկայում նա ապրում է ԱՄՆ-ում։
