Քաղաքականություն
25.03.2024 | 23:30
ԱՄՆ-ն ու Ճապոնիան Փոխադարձ օգնության պայմանագրի ամենամեծ թարմացումն են նախապատրաստում 60 տարվա ընթացքում, որը ստորագրվել է 1960 թվականին՝ Չինաստանի կողմից մեծացող սպառնալիքի ֆոնին։ Այս մասին գրում է Financial Times-ը՝ հղում անելով սեփական իրազեկ աղբյուրներին։
ԱՄՆ նախագահ Ջո Բայդենը և Ճապոնիայի վարչապետ Ֆումիո Քիշիդան ծրագրում են հայտարարել ապրիլի 10-ին Ճապոնիայում ԱՄՆ ռազմական հրամանատարության վերակազմավորման մասին, երբ Բայդենը ողջունի Քիշիդային Սպիտակ տանը:
Պարբերականի տվյալներով՝ դաշնակիցները ցանկանում են ամրապնդել իրենց կապերն անվտանգության ոլորտում՝ Չինաստանից աճող սպառնալիքին արձագանքելու համար։
«Դա նրանց զինվորականներից կպահանջի ավելի արդյունավետ համագործակցություն և պլանավորում, հատկապես այնպիսի ճգնաժամի դեպքում, ինչպիսին Թայվանի հակամարտությունն է»,- ասվում է հոդվածում:
Ճապոնիայի ինքնապաշտպանական ուժերի միացյալ շտաբի նախկին պետ Ռեյչի Օրիկին պարբերականին պարզաբանել է, որ անհրաժեշտություն կա Ճապոնիայում ավելի բարձրաստիճան ամերիկացի սպայի նշանակել, քանի որ ԱՄՆ-ն է, որ ստանձնում է տարածաշրջանային պաշտպանությունում գլխավոր դերը։
Financial Times-ի փոխանցմամբ՝ Ճապոնիայում տեղակայված ամերիկյան ռազմական ուժերի կազմավորումը կարող է արդիականացվել։ Բայց դաշնակիցների միջև կոորդինացումը բարդանում է նրանով, որ Ճապոնիայի ամերիկյան զորքերը (USFJ) քիչ են փոխվել:
Տոկիոն երկար ժամանակ կոչ է արել ԱՄՆ-ին ավելի շատ օպերատիվ լիազորություններ տալ USFJ-ի հրամանատարին և հայտնում է, որ անհրաժեշտ է ավելի մեծ համակարգում տեղում:
Ավելի վաղ հաղորդվել էր, որ Ճապոնիան նոր պատժամիջոցներ է սահմանել Ռուսաստանի դեմ։
