15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
Ռուսական զորքերը հրթիռային հարվածներ են հասցրել Կիևին․ քաղաքի մի քանի շրջաններում պայթյուններ են որոտացել
Քաղաքականություն
25.03.2024 | 13:59
Մարտի 25-ի առավոտյան ռուսական զորքերը հրթիռային հարձակում են գործել Կիևի վրա, որոտացել են պայթյուններ մայրաքաղաքի մի քանի թաղամասերում։ Կիևի քաղաքային ռազմական վարչակազմի ղեկավար Սերգեյ Պոպկոն զեկուցել է քաղաքում հակաօդային պաշտպանության ուժերի աշխատանքի մասին։
Ըստ նախնական տեղեկությունների՝ Ուկրաինայի մայրաքաղաքի Պեչյորսկի թաղամասում ընկել են խոցված հրթիռի բեկորներ՝ վնասելով եռահարկ ոչ բնակելի շենքը։
Կիևի քաղաքապետ Վիտալի Կլիչկոն հայտնել է Կիևի Սոլոմենսկի և Դնեպրովսկի շրջաններում արտակարգ իրավիճակների ծառայությունների աշխատանքի մասին, որտեղ նույնպես ընկել են խոցված հրթիռների բեկորները։ Նրա խոսքով՝ հայտնի է երկու կնոջ վիրավորվելու մասին, որոնցից մեկը հոսպիտալացվել է, մյուսին տեղում բուժօգնություն է ցուցաբերվել։
Գոլոսեևսկի շրջանի անտառային գոտում ևս հայտնաբերվել են խոցված հրթիռի բեկորներ, զոհերի մասին տվյալները ճշտվում են, նշել է Կիևի պետական ռազմական վարչակազմը։
Ըստ ուկրաինական Censor.net-ի՝ Կիևի վրա հարձակումը կարող էր իրականացվել «Ցիրկոն» հիպերձայնային հրթիռներով՝ բռնակցված Ղրիմի տարածքից։
Կիևի ժամանակով 10:27-ին Ուկրաինայի մի քանի շրջաններում հրթիռային վտանգի տագնապ է հայտարարվել։
