15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
Մերձմոսկվայում ահաբեկչությունից հետո 97 մարդ մնում է հիվանդանոցներում
Քաղաքականություն
25.03.2024 | 15:13
Գրեթե հարյուր մարդ մնում է հիվանդանոցներում «Կրոկուս սիթի հոլլում» տեղի ունեցած ահաբեկչությունից հետո: «ՌԻԱ Նովոստիի» փոխանցմամբ՝ այս մասին ասել է Մոսկվայի մարզի սոցիալական զարգացման նախարար Լյուդմիլա Բոլատաևան։
«Այսօր հիվանդանոցներում և ստացիոնարներում մնում է 97 մարդ, դրանք Մոսկվայի շրջանի, Մոսկվայի և դաշնային կենտրոնների հիվանդանոցներն են: Մենք կապի մեջ ենք բոլորի հետ»,- ասել է նա:
Մերձմոսկովյան Կրասնոգորսկ քաղաքի «Կրոկուս սիթի հոլլում» կրակոցներ ու հրդեհ է գրանցվել մարտի 22-ին համերգից առաջ։ Դահլիճ են ներխուժել համազգեստով ու առանց դիմակների մի քանի տղամարդ՝ կրակելով մարդկանց վրա ու հրկիզող նյութեր նետելով։
ՌԴ քննչական կոմիտեի վերջին տվյալներով՝ զոհվել է 137 մարդ, որոնցից 3-ը՝ երեխաներ։ Մերձմոսկվայի առողջապահության նախարարության տվյալներով՝ ահաբեկչության արդյունքում տուժել է 182 մարդ։
Ահաբեկչություն իրականացրած բոլոր 4 անձինք հայտնաբերվել ու ձերբակալվել են, նրանք Տաջիկստանի քաղաքացիներ են։
