14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Բելգիայում թուրքական ռասիստական խմբերը հարձակվել են քրդերի վրա․ ՏԵՍԱՆՅՈՒԹ
Քաղաքականություն
25.03.2024 | 22:59
Բելգիայի Լյովեն քաղաքի Հեյսդեն-Զոլդեր թաղամասում կիրակի Նովրոզի տոնակատարությունից հետո թուրքական ռասիստական խմբերը հարձակվել են քուրդ ընտանիքների շարասյան վրա, որոնք վերադառնում էին իրենց տները։ Տեսանյութերը տարածվում են համացանցում։
#BREAKING | In Leuven, #Belgium, Turkish racist groups attacked Kurdish families returning home after #Newroz celebrations. The attack was accompanied by chants of 'takbir', the jihadist motto often associated with #ISIS, as people took refuge in a house only to be attacked… pic.twitter.com/3CJJdWqZIi
— MedyaNews (@medyanews_) March 25, 2024
Միջադեպը հանգեցրել է զգալի լարվածության և բռնության՝ հարձակումն ուղեկցվել է «թաքբիր» վանկարկումներով՝ ջիհադիստների կարգախոսը։
Հաղորդվում է, որ հարձակվողները վնասել են մի շարք մեքենաներ, փորձել են ուժով ներթափանցել տուն, որտեղ պատսպարվել էին տասնյակ մարդիկ: Ականատեսները պատմել են, որ հարձակվողները փորձել են այրել տունը՝ վտանգի ենթարկելով ներսում գտնվող շուրջ 40 մարդու։ Իրավիճակի լրջությունը հանգեցրել է ոստիկանության միջամտության։
Գերմանիայում քրդական համայնքը դատապարտել է տեղի ունեցածը՝ X-ում միջադեպից տեսանյութեր հրապարակելով։
«Պահանջում ենք ամբողջական պարզաբանում և անհապաղ գործողություններ։ Չի կարող այնպես լինել, որ մարդիկ նման բռնության ենթարկվեն Եվրոպայի սրտում իրենց ծագման կամ իրենց քաղաքական հայացքների պատճառով»,- ասվում է գրառման մեջ։
Նախնական տվյալներով՝ վիրավորվել է առնվազն վեց մարդ՝ ծեծի կամ դանակահարության հետևանքով։ Թեև վնասվածքների չափի մասին մանրամասն տեղեկություններ չկան, տուժածներից երկուսի վիճակը գնահատվում է ծանր:
Ըստ տեղեկությունների՝ հարձակվողները ծածանել են թուրքական դրոշը և ցուցադրել թուրքական ծայրահեղական «Գորշ գայլեր» կազմակերպության ժեստը: Տեսագրությունները ցույց են տալիս բռնության պատկերները, այդ թվում՝ քրդերի դաժան ծեծը, որոնք անշարժ պառկած են գետնին՝ շրջապատված հարձակվողներով, որոնք թուրքերեն վիրավորանքներ են բղավում:
Հարձակվողները պղծել են նաև քրդական համայնքի համար կարևոր խորհրդանիշներ՝ միաժամանակ վառելով քրդական ազգային գույները ներկայացնող դրոշներ։
Էմմա Չոբանյան
