07.10.2026 | 20:38
Միկել Արտետան նոր պայմանագիր է կնքել «Արսենալի» հետ
Ռոստովի մարզում խոշոր էլեկտրակայաններից մեկում հրդեհ է տեղի ունեցել․ հաղորդվում է ԱԹՍ-ների հարձակման մասին
Քաղաքականություն
25.03.2024 | 12:30
ՌԴ Ռոստովի մարզի Նովոչերկասկի կոնդենսացիոն էլեկտրակայանում, որը ՌԴ հարավում խոշորագույն կայաններից է, հրդեհ է տեղի ունեցել։ Այս մասին հայտնել է շրջանի ղեկավար Վասիլի Գոլուբևը, գրում է Meduza-ն։
Ըստ նրա՝ կայանի աշխատակիցներն արագ մարել են կրակը, տուժածներ չկան։ Շրջանի ղեկավարն ասել է, որ հրդեհի պատճառները պարզվում են։
«Հրդեհի հետևանքով 330 կՎ բարձր լարման գծերը՝ Տիխորեցկայա և Ռոստովսկայա, ավտոմատ կերպով անջատվել են։ Այժմ վերականգնվել է սպառողների էլեկտրամատակարարումը։ Էլեկտրակայանի երկու էներգաբլոկներ ժամանակավորապես հանվել են շահագործումից»,- ասել է նահանգապետը։
Baza տելեգրամ-ալիքի համաձայն՝ էլեկտրակայանը հարձակման է ենթարկվել մի քանի անօդաչու թռչող սարքերի կողմից։ Հարձակումը սկսվել է գիշերը ժամը 2։30-ի սահմաններում։
«Новочеркасск сегодня» տելեգրամ-ալիքն էլ հայտնել է, որ էլեկտրակայանի շրջանում գիշերը լսվել է 17-20 պայթյուն, որոնցից մի քանիսն ուղեկցվել են երկնքում վառ փայլատակումներով։
ՌԴ ՊՆ-ն հայտնել է, թե ռուսական ՀՕՊ համակարգերը մարտի 24-ի լույս 25-ի գիշերը Ռոստովի մարզի տարածքում որսացել են ուկրաինական 11 անօդաչու թռչող սարք։
