15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Ինտերպոլը պատրաստ է աջակցել Ռուսաստանի իրավապահ մարմիններին՝ «Կրոկուս սիթի հոլ»-ում տեղի ունեցած ահաբեկչության հետաքննության հարցում
Քաղաքականություն
23.03.2024 | 11:35
Ինտերպոլը հայտարարել է, որ պատրաստ է աջակցել Ռուսաստանի իրավապահ մարմիններին՝ «Կրոկուս սիթի հոլ»-ում տեղի ունեցած ահաբեկչության հետաքննության հարցում։ Այս մասին հայտարարել է Ինտերպոլի գլխավոր քարտուղար Յուրգեն Ստոկը․ գրում է russian.rt.com-ը։
«Ես խստորեն դատապարտում եմ «Կրոկուս սիթի հոլ»-ի վրա հարձակումը, դա սարսափելի գործողություն էր անմեղ քաղաքացիների դեմ: Մեր մտքերը զոհվածների ընտանիքների և ընկերների հետ են։ Ինտերպոլը պատրաստ է աջակցել Ռուսաստանի իշխանությունների հետաքննությանը»,- գրել է Ստոկը X-ում։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
«Իսլամական պետություն» ահաբեկչական խմբավորումը ստանձնել է Ռուսաստանում տեղի ունեցած ահաբեկչության պատասխանատվությունը։ Այս մասին հայտնում է CNN-ը՝ հղում անելով ԻՊ-ի հետ կապված «Ամաք» լրատվական գործակալության հրապարակած կարճ հայտարարությանը: Այդուհանդերձ, հայտարարության մեջ դա հաստատող որևէ ապացույց չի ներկայացվում:
