14.12.2025 | 11:41
Ապարանի համայնքապետարանը՝ քամու պատճառած վնասների մասին
ՄԱԿ-ը, ԵՄ-ն, Գերմանիան ցավակցություն են հայտնել Մոսկվայում տեղի ունեցած ահաբեկչության կապակցությամբ
Քաղաքականություն
23.03.2024 | 00:41
Գերմանիայի ԱԳՆ-ն ցավակցություն է հայտնել մերձմոսկովյան «Կրոկուս սիթի հոլլում» տեղի ունեցած ահաբեկչության կապակցությամբ և կոչ է արել արագ հետաքննել միջադեպը։ Այս մասին ասվում է գերատեսչության հայտարարության մեջ, որը հրապարակվել է X-ում:
«Մոսկովյան շրջանի «Կրոկուս սիթիում» անմեղ մարդկանց վրա կատարված սարսափելի հարձակման կադրերը սարսռեցնող են: Անհրաժեշտ է արագ հետաքննել դեպքի հանգամանքները: Մեր խորին ցավակցությունը զոհերի ընտանիքներին», – ասվում է հայտարարության մեջ:
ՄԱԿ-ը վշտացած է հրաձգության մասին լուրերից և փորձում է լրացուցիչ տեղեկություններ ստանալ: Այս մասին հայտարարել է համաշխարհային կազմակերպության գլխավոր քարտուղարի փոխներկայացուցիչ Ֆարհան Հակը։
«Մեզ ցավ է պատճառում այս լուրը, մենք փորձում ենք ավելի շատ տեղեկություններ ստանալ կատարվածի մասին»,- ասել է նա։
ԵՄ-ն ևս դատապարտել է Մոսկվայում տեղի ունեցած ահաբեկչությունը։
Այս մասին X-ում հայտարարել է ԵՄ արտաքին քաղաքականության խոսնակ Փիթեր Ստանոն։
«Եվրամիությունը ցնցված և ապշած է «Կրոկուս սիթի հոլլում» տեղի ունեցած ահաբեկչության մասին հաղորդագրություններից: ԵՄ-ն դատապարտում է ցանկացած հարձակում խաղաղ բնակչության վրա: Մեր մտքերը բոլոր տուժած ՌԴ քաղաքացիների հետ են», – գրել է նա:
