23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ-ն նոր մոբիլիզացիա է ծրագրում
Քաղաքականություն
22.03.2024 | 18:22
Ռուսաստանի Պաշտպանության նախարարությունը ծրագրում է մոտ ապագայում Ուկրաինայի դեմ պատերազմի ուղարկել ևս 300 հազար մարդու։ Այս մասին գրում է «Վյորստկա»-ն՝ հղում անելով նախագահի աշխատակազմի և մարզային կառավարությունների չորս աղբյուրներին, ինչպես նաև ՊՆ բարձրաստիճան աշխատակցի։
Աղբյուրի համաձայն՝ առաջին հերթին իշխանությունները կենտրոնանալու են պահեստազորայինների վրա։ Բացի այդ, նրանք կփորձեն ուղարկել ժամկետային զինծառայողների, որոնց ծառայությունն ավարտվում է պատերազմի ժամանակ, նրանց «բոլոր միջոցներով համոզելով» պայմանագիր կնքել։
Նշվում է, որ սա պայմանավորված է այն հանգամանքով, որ կամավորների հավաքագրման տեմպերը զգալիորեն նվազել են. պայմանագրայինների հավաքագրման գրասենյակի աշխատակիցներից մեկի խոսքով՝ աշնանից այն նվազել է 20 անգամ։
Աղբյուրը գրում է, որ «խոսքը չի կարող սահմանափակվել պահեստազորի և նախկին ժամկետային զինծառայողների մեկ զորակոչով»։ Օրինակ՝ Մոսկվայում պաշտպանական ձեռնարկություններն ու բյուջետային կազմակերպությունները սկսել են ակտիվորեն վերապահումներ տալ մոբիլիզացիայի մեջ ներգրավված աշխատակիցներին, իսկ իրավաբաններն ու հոգեբանները, որոնք ներգրավվել էին աշխատանքներում 2022 թվականի աշնանը, վերսկսում են աշխատանքը զինկոմիսարիատներում։
Պաշտոնապես այս ամենն արվում է նախատեսվող գարնանային զորակոչին նախապատրաստվելու համար, սակայն աղբյուրներն այս բոլոր գործողություններն անվանում են «մոբիլիզացիա 2.0»։
