21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Ադրբեջանի Մեջլիսի խոսնակը ժամանել է Ժնև, որտեղ սպասվում է Ալեն Սիմոնյանի հետ հանդիպումը
Քաղաքականություն
22.03.2024 | 17:53
Ադրբեջանի Միլլի Մեջլիսի նախագահ Սահիբա Գաֆարովայի գլխավորած խորհրդարանական պատվիրակությունն աշխատանքային այցով ժամանել է Շվեյցարիայի Ժնև քաղաք, գրում են ադրբեջանական լրատվամիջոցները։
Այցի շրջանակում Սահիբա Գաֆարովան կմասնակցի Միջխորհրդարանական միության 148-րդ վեհաժողովին, Չմիավորման շարժման խորհրդարանական ցանցի երրորդ համաժողովին և Ասիայի խորհրդարանական վեհաժողովի համակարգող հանդիպմանը։
Ավելի վաղ ՀՀ ԱԺ նախագահի խոսնակ Նելլի Ղուլյանը Factor.am-ին հայտնել էր, որ Ժնևում այսօր նախատեսվում է Ալեն Սիմոնյանի հանդիպումը Սահիբա Գաֆարովայի հետ։
Սիմոնյանի գլխավորած պատվիրակությունը մարտի 22-27-ն աշխատանքային այցով Ժնևում է՝ մասնակցելու Միջխորհրդարանական միության (IPU) 148-րդ վեհաժողովին:
