26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ԵՄ-ն աջակցել է Բոսնիա և Հերցեգովինայի հետ անդամակցության բանակցությունների մեկնարկին
Քաղաքականություն
22.03.2024 | 16:38
Եվրոպական խորհուրդը որոշել է բանակցություններ սկսել Բոսնիա և Հերցեգովինայի հետ Եվրամիությանն անդամակցելու շուրջ։ Այս մասին X-ում գրառմամբ հայտնել է Եվրոպական խորհրդի ղեկավար Շառլ Միշելը։
«Եվրոպական խորհուրդը հենց նոր որոշում է կայացրել սկսել Բոսնիա և Հերցեգովինայի հետ ԵՄ անդամակցության բանակցությունները: Շնորհավորում եմ, ձեր տեղը մեր եվրոպական ընտանիքում է»,- գրել է Միշելը:
Նա ընդգծել է, որ նման որոշումն առանցքային քայլ է ԵՄ-ին անդամակցելու ճանապարհին՝ հավելելով, որ դրանից հետո պետք է շարունակել քրտնաջան աշխատել ԵՄ անդամ դառնալու համար։
Միևնույն ժամանակ, Եվրոպական խորհրդի եզրակացություններում ասվում է, որ մարմինը հրավիրում է Եվրահանձնաժողովին նախապատրաստել Բոսնիա և Հերցեգովինայի հետ բանակցությունների շրջանակը՝ բոլոր անհրաժեշտ քայլերը ձեռնարկելուց հետո։
Դեկտեմբերի սկզբին Եվրահանձնաժողովը առաջարկել էր բանակցություններ սկսել Բոսնիա և Հերցեգովինայի՝ Եվրամիությանն անդամակցելու շուրջ։
Հիշեցնենք, որ 2023 թվականի դեկտեմբերին Եվրամիության ղեկավարները որոշել են բանակցություններ սկսել Ուկրաինայի և Մոլդովայի հետ ԵՄ-ին անդամակցելու շուրջ։
