26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ռուսական հրթիռակոծությունից վնասված Զապորոժիեի ատոմակայանի գիծը վերականգնվել է․ Էներգոատոմ
Քաղաքականություն
22.03.2024 | 15:51
Ուկրաինացի էներգետիկները հաշված ժամերի ընթացքում վերականգնել են 750 կՎ լարման արտաքին օդային էլեկտրահաղորդման գիծը, հայտնել են Էներգոատոմից։
Այս գիծը կայանը միացնում է ուկրաինական էլեկտրացանցին և վնասվել է ուրբաթ առավոտյան ռուսական զանգվածային հրթիռային հարձակման ժամանակ։ Այժմ կրկին աշխատում է էլեկտրահաղորդման երկու գիծ, որոնց շնորհիվ ռուսական զորքերի կողմից գրավված Զապորոժիեի ատոմակայան էլեկտրաէներգիա է մատակարարվում, ասվում է հաղորդագրության մեջ։
«Ռուսական օկուպացիայի սկզբից ի վեր Զապորոժիե ԱԷԿ-ն արդեն զգացել է ութ ամբողջական անջատում, իսկ մեկը՝ մասնակի՝ վթարային դիզելային գեներատորների և անվտանգության համակարգերի գործարկմամբ։ Դրանց ձախողումը հղի է արտակարգ իրավիճակի ստեղծմամբ»,- նշել է Էներգոատոմը:
Հիշեցնենք, որ մարտի 21-ի լույս մարտի 22-ի գիշերը Ռուսաստանն Ուկրաինային ենթարկել է հերթական զանգվածային հրթիռային հարձակման։ Էներգոատոմը հայտնել էր, որ անջատվել է Զապորոժիեի ատոմակայանը Ուկրաինայի էներգահամակարգին միացնող «Դնեպրովսկայա» էլեկտրահաղորդման գիծը։
