12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Իսրայելի ՊԲ-ն հարվածներ է հասցրել Խան Յունիսում ՀԱՄԱՍ-ի դիրքերին
Քաղաքականություն
21.03.2024 | 15:39
Իսրայելը հարվածներ է հասցրել Խան Յունիսում ՀԱՄԱՍ-ի թիրախներին. Ալ-Շիֆա հիվանդանոցի գրոհը շարունակվում է, հաղորդում է Euronews-ը։
Իսրայելացի զինվորականները, որոնք գործողություն են իրականացնում Ալ-Շիֆայի հիվանդանոցում, բժշկական համալիրում զենքի պահեստներ են հայտնաբերել, հայտարարել են Իսրայելի պաշտպանության բանակի ներկայացուցիչները՝ նշելով, որ գրոհի մեկնարկից ի վեր հիվանդանոցում սպանվել է մոտ 140 զինյալ։ Հաղորդվում է նաև Խան Յունիսի թաղամասերից մեկում ՀԱՄԱՍ-ի տասնյակ օբյեկտներին հարվածների մասին։
Իսրայելը պատրաստվում է Ռաֆահում գործողության։
«Վերջնականապես հաղթելն անհնար կլինի, եթե Իսրայելի պաշտպանության բանակը չմտնի Ռաֆահ։ Դա անհրաժեշտ է ՀԱՄԱՍ-ի մնացած գումարտակները ոչնչացնելու համար»,- ասել է Իսրայելի վարչապետ Բենիամին Նեթանյահուն։
Իսրայելի մերձավոր դաշնակից Վաշինգտոնը մտահոգություն է հայտնել Ռաֆահում հնարավոր ցամաքային գործողության կապակցությամբ, որտեղ այժմ հավաքվել է գրեթե մեկուկես միլիոն պաղեստինցի։
ԱՄՆ-ը ՄԱԿ-ի Անվտանգության խորհրդին է ներկայացրել բանաձևի նախագիծ, որով կոչ է անում անհապաղ հրադադար հաստատել Գազայի հատվածում և ազատ արձակել իսրայելցի պատանդներին, հայտարարել է ԱՄՆ պետքարտուղար Էնթոնի Բլինքենը։
