30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Զանգվածային հարձակում Կիևի վրա. այրված մեքենաներ, վնասված տներ և փոսեր․ ԼՈւՍԱՆԿԱՐՆԵՐ
Քաղաքականություն
21.03.2024 | 14:47
Ավելի քան մեկ ամիս ընդմիջումից հետո Ռուսաստանը զանգվածային հրթիռային հարձակում է գործել Ուկրաինայի վրա, հրթիռների մեծ մասն արձակվել է Կիևի ուղղությամբ: Ուկրաինայի մայրաքաղաքում տուժել է 13 մարդ, այդ թվում՝ երեխա, փոխանցում է BBC-ի ռուսական ծառայությունը։
Ուկրաինայի զինված ուժերի ռազմաօդային ուժերի տվյալներով՝ ռուսական մոտ տասը Տու-95ՄՍ ռմբակոծիչներ հրթիռներ են արձակել, որոնք Կիևի ժամանակով առավոտյան 4-ից հետո հասել են Ուկրաինայի սահմաններին։
Ուկրաինայի ռազմաօդային ուժերը հայտնել են գիշերային հարձակման ժամանակ խոցված 31 հրթիռների մասին։ Ուկրաինացի զինվորականները գրում են, որ ռուսական բանակը կիրառել է 29 X-101/X-555 թևավոր հրթիռ։ Բացի այդ, ըստ հաղորդագրության, եղել են ևս երկու բալիստիկ հրթիռներ՝ «Իսկանդեր-Մ» և «Կինժալ»։
Կիևի քաղաքային վարչակազմի տվյալներով՝ Ուկրաինայի մայրաքաղաքի Շևչենկոյի թաղամասում բազմահարկ բնակելի շենք է վնասվել և առանձնատուն հրդեհվել։ Սվյատոշինսկի թաղամասում նույնպես բազմահարկ շենք է վնասվել։ Պոդոլսկի շրջանում էլ բեկորներն ընկել են ոչ բնակելի շենքի տարածքի վրա, հրդեհ է բռնկվել։ Հրդեհվել է նաև տրանսֆորմատորային կայանը։
