03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ուկրաինային սահմանակից ռուսական Գրայվորոնի իշխանությունները բնակիչներին Բելգորոդի շրջանից հեռանալու կոչ են արել
Քաղաքականություն
21.03.2024 | 16:29
Բելգորոդի շրջանի Գրայվորոնսկի քաղաքային շրջանի վարչակազմի ղեկավար Գենադի Բոնդարևը սոցիալական ցանցերի միջոցով դիմել է տեղի բնակիչներին, գրում է Meduza-ն։
«Դիմում եմ նրանց, որոնք մնացել են շրջանում։ Իրավիճակը շարունակում է լարված մնալ։ Խնդրում եմ ճիշտ որոշում կայացնել և ժամանակավորապես լքել քաղաքային շրջանի տարածքը»,- գրել է նա Տելեգրամում։
Ըստ նրա՝ Գրայվորոնի բնակիչներին պատրաստ են ընդունել Յարոսլավի շրջանում։
«Խնդրում եմ, գրեք ինձ՝ ով պատրաստ է հեռանալ: Մենք կկազմակերպենք ձեր մեկնումը։ Մենք փորձում ենք սնունդ հասցնել բնակիչներին, բայց դա կախված է օպերատիվ իրավիճակից։ Խորհուրդ եմ տալիս ձեզ և ձեր մտերիմներին վտանգի տակ չդնել»,- նշել է պաշտոնյան։
Գրայվորոն քաղաքը գտնվում է ուկրաինական սահմանից հինգ կիլոմետր հեռավորության վրա, բնակչությունը մինչ պատերազմի սկսվելը կազմում էր ավելի քան 6 հազար մարդ։
2024 թվականի մարտին Ուկրաինայի կողմից Բելգորոդի շրջանի հրետակոծության ինտենսիվությունը զգալիորեն աճել է։ Այս ֆոնին՝ իշխանությունները սկսել են բնակիչներին ժամանակավորապես տարհանել շրջանից։
